پرویز خٹک نے کہا ہے کہ میری پارٹی میں چور لٹیروں کیلئے جگہ نہیں ہے۔
تفصیلات کے مطابق پاکستان تحریک انصاف پارلیمنٹرین کے سربراہ پرویز خٹک نے بنوں میں جلسے سے خطاب کرتے ہوئے کہا کہ ترقی کے لحاظ سے نوشہرہ اور سوات کے مقابلے میں بنوں کی حالت پر آفسوس ہوا، موقع ملا تو بنوں کو نوشہرہ کی طرز پر بناؤں گا اور وہاں سڑکیں، بجلی، گیس سب کچھ ٹھیک ٹھاک چل رہا ہے۔
انہوں نے کہا کہ اسکولوں میں اساتذہ کی حاضریاں یقینی بنائی ،غیر حاضری کی صورت میں سالانہ 20 کروڑ روپے بہترین اساتذہ پر خرچ کرتا۔
پرویز خٹک نے یہ بھی کہا کہ گزشتہ 35 سال سے قرضہ لیکر اتا رہے ہیں بس یہ تین عشرے اسی میں ہی گزرے، تھانہ اور پٹوار میں عوام کو رشوت لینے اور دینے والا نہیں ملے گا۔
پاکستان تحریک انصاف پارلیمنٹرین کے سربراہ کا کہنا تھا کہ مہنگائی اور بد امنی اس وجہ سے ہے کہ ایماندار لیڈر نہیں ملا، بنگلہ دیش کو ایماندار خاتون ملی آج وہ ترقی کے منازل طے کر رہا ہے۔
ان کا یہ بھی کہنا تھا کہ میں نے ساری زندگی سیاست کی، کسی سیاست دان نے اب تک مہنگائی پر قابو پانے کیلئے کام نہیں کیا،کل جو ممالک ہم سے پیچھے تھے آج ہم سے کافی آگے نکل چکے، دنیا کے قرض دار ہیں جب تک ہم قرضدار ہیں ترقی ممکن نہیں
پرویز خٹک نے کہا کہ ہمارے سیاست دانوں کی ترقی کا سوچ ہی نہیں ہے، میں نے صحت کارڈ پروگرام کے ذریعے خیبرپختونخواہ میں غریبوں کیلئے علاج شروع کیا۔
پاکستان تحریک انصاف پارلیمنٹرین کے سربراہ پرویز خٹک نے مزید کہا کہ میری پارٹی میں چور لٹیروں کیلئے جگہ نہیں ہے، میں نے اپنی حکومت میں نوشہرہ میں بیشتر ترقیاتی منصوبے کیے، حکومت میں آئے تو تعلیمی نظام کی بہتری پر کام کریں گے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News