سابق وفاقی وزیر و مسلم لیگ (ن) کے سینئر رہنما خواجہ آصف نے کہا ہے کہ آج تاریخ فیصلہ کرے گی کہ نواز شریف حق پر تھا۔

تفصیلات کے مطابق خواجہ آصف نے میڈیا سے گفتگو کرتے ہوئے کہا کہ سارے ضلع سے لوگ میاں صاحب کے استقبال کے لئے جا رہے ہیں، جلسہ گاہ میں تو سب دیکھ رہے ہیں کہ گزشتہ دو روز سے ہی رونق نظر آرہی ہے، یہ بھرپور اجتماع ہو گا، میری 35 سال کے سیاسی کیرئیر میں بہت بڑا جلسہ ہو گا، لوگ سمجھ رہے ہیں کہ نواز شریف ہمیں خوشحالی دلائے گا، نواز شریف جب بھی آیا خوشحالی کا پیمبر بن کر آیا۔

خواجہ آصف نے کہا کہ میاں صاحب نے واضح کر دیا کہ ہم 28 مئی والے ہیں اور نو مئی والے ہیں، نواز شریف نے اس ملک کو ایٹمی قوت بنایا، یہ اس کے خلوص اور وطن سے محبت کی علامت ہے، ایک شحض نے ملکی سالمیت کو للکارا، جن لوگوں نے اس کو مسمار کرنے کی کوشش کی وہ کہاں ہیں؟ یہ تاریخ کے فیصلے ہیں، نواز شریف کا بیانیہ مہنگائی لوڈشیڈنگ اور بدحالی پر قابو پانا ہے۔

واضح رہے کہ نواز شریف کا طیارہ اسلام آباد ایئرپورٹ پر لینڈ کر گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں