اسلام آباد: وزیراعظم شہباز شریف نے امریکا ایران جنگ بندی میں توسیع کی درخواست قبول کرنے پر امریکی صدر ڈونلڈ ٹرمپ کا شکریہ ادا کیا ہے۔
سماجی رابطے کی ویب سائٹ ایکس پر جاری اپنے بیان میں وزیراعظم نے کہا کہ اپنی اور فیلڈ مارشل عاصم منیر کی جانب سے صدر ٹرمپ کے شکر گزار ہیں کہ انہوں نے جنگ بندی میں توسیع کی درخواست کو قبول کیا۔
On my personal behalf and on behalf of Field Marshal Syed Asim Munir, I sincerely thank President Trump for graciously accepting our request to extend the ceasefire to allow ongoing diplomatic efforts to take their course.
With the trust and confidence reposed in, Pakistan…
— Shehbaz Sharif (@CMShehbaz) April 21, 2026
شہباز شریف نے امید ظاہر کی کہ متعلقہ فریقین اسلام آباد میں ہونے والے مذاکرات کے دوسرے دور میں تنازع کے مستقل حل کے لیے ایک جامع امن معاہدے تک پہنچنے میں کامیاب ہوں گے۔
انہوں نے مزید کہا کہ پاکستان خطے میں امن کے قیام اور تنازعات کے پرامن حل کے لیے اپنی سفارتی کوششیں جاری رکھے گا اور توقع ہے کہ تمام فریقین جنگ بندی کی پاسداری برقرار رکھیں گے۔
