حکومت نے پیٹرولیم مصنوعات کی قیمتوں میں کمی کا اعلان کرتے ہوئے عوام کو بڑا ریلیف دے دیا ہے۔
اعلامیے کے مطابق پٹرول کی قیمت میں 6 روپے فی لیٹر کمی کی گئی ہے، جبکہ ہائی اسپیڈ ڈیزل 6 روپے 80 پیسے فی لیٹر سستا کر دیا گیا ہے۔
حکومتی فیصلے کے بعد نئی قیمتوں کا اطلاق آج رات 12 بجے سے ہوگا جس کے تحت ملک بھر میں پیٹرولیم مصنوعات نئے نرخوں پر دستیاب ہوں گی۔
معاشی ماہرین کے مطابق پیٹرول اور ڈیزل کی قیمتوں میں کمی سے ٹرانسپورٹ اخراجات میں کچھ حد تک کمی آنے اور مہنگائی کے دباؤ میں جزوی ریلیف ملنے کی توقع ہے۔
