پاکستان سپر لیگ (پی ایس ایل) فائیو کے 17 ہویں میچ میں اسلام آباد یونائیٹڈ نے لاہور قلندرز کو 71  رنز سے   شکست دے دی۔

199 رنز کے ہدف کے تعاقب میں لاہور قلندرز کی پوری ٹیم انیسویں اوورز میں 127 رنز بنا کر آؤٹ ہوگئی۔

لاہور قلندرز کی پہلی وکٹ  صفر کے سکور پر پہلے ہی اوور میں گر گئی۔  سی اے لن ڈیل سٹین کی گیند پر بغیر کوئی رنز بنائے کیچ آؤٹ ہوئے۔ جب کہ محمد حفیظ 10 رنز بنا کر محمد عاکف کی گیند پر آؤٹ ہوئے۔

جواب میں لاہور قلندرز کی ٹیم 18.5 اوورز میں 127 رنز بناکر آؤ ہوگئی اور اسلام آباد میچ 71 رنز سے جیت گیا۔

اسلام آباد یونائیٹڈ کی اننگز

لاہور قلندرز کے کپتان سہیل اختر نے ٹاس جیت کر پہلے فیلڈنگ کا فیصلہ کیا اور اسلام آباد یونائیٹڈ نے مقررہ اوورز میں 3 وکٹوں کے نقصان پر 198 رنز بنائے۔

اسلام آباد کی جانب سے کولن منرو اور لیوک رونکی نے شاندار آغاز کیا اور 103 رنز کی اوپننگ پارٹنر شپ قائم کی۔

اس موقع پر لیوک رونکی 48 رنز بناکر آؤٹ ہوگئے۔ اس کے بعد شاداب خان بھی صرف 7 رنز بناکر پویلین لوٹ گئے۔

کولن انگرام 29 رنز بناسکے تاہم منرو اور آصف علی نے مزید کوئی نقصان نہیں ہونے دیا۔ منرو 87 اور آصف علی 6 گیندوں پر 20 رنز بناکر ناٹ آؤٹ رہے۔

لاہور قلندرز کے صرف 4 کھلاڑی ڈبل فگر میں داخل ہوسکے، سلمان بٹ 21، محمد حفیظ 10 اور بین ڈنک 25 اور عثمان شنواری 30 رنز بنا کر نمایاں رہے۔

لاہور قلندرز کے کپتان سہیل اختر 8 رنز بنا کر ظفر گوہر کی گیند پر ایل بی ڈبلیو آؤٹ ہوئے، سمت پٹیل 6 رنز بنا کر شاداب خان کا نشانہ بنے۔

لاہور قلندرز کی اننگز

پہلی وکٹ گرنے کے بعد لاہور قلندرز سنبھل ہی نہ سکے اور وقفے وقفے سے وکٹیں گرتی رہیں۔

محمد حفیظ 10، بین ڈنک 25، سلمان بٹ 21، سمت پٹیل 6، محمد فیضان 6، کپتان سہیل اختر 8، سیکوگے پراسانا 8 اور سلمان ارشاد ایک رن بناکر آؤٹ ہوئے۔

لاہور قلندرز کے ٹاپ اسکورر عثمان شنواری رہے جنہوں نے 14 گیندوں پر 4 چھکوں کی مدد سے 30 رنز بنائے۔

اسلام آباد کی جانب سے رومان رئیس اور ظفر گوہر نے تین تین، شاداب خان نے دو جبکہ عاقف جاوید اور ڈیل اسٹین نے ایک ایک وکٹ حاصل کی۔

پاکستان سپر لیگ کے پوائنٹس ٹیبل پر ملتان سلطانز پانچ میچز میں چار فتوحات کے ساتھ پہلے نمبر پر موجود ہے جب کہ اسلام آبد یونائیٹد دوسرے نبمر پر براجمان ہے۔

دفاعی چیمپئن کوئٹہ گلیڈی ایٹرز لاہور قلندرز کے خلاف شکست کے بعد تیسرے نمبر پر ہے اور ان کے چھ میچوں میں چھ ہی پوائنٹس ہیں۔