محدود اوورز کرکٹ کے لیے ڈک ورتھ لوئس بارش کے اصول وضع کرنے کے لیےمشہور ٹونی لوئس 78 سال کی عمر میں انتقال کرگئے۔
ٹونی لوئس نے ساتھی ریاضی دان فرینک ڈک ورتھ کے ساتھ مل کر بارش سے متعلق اصول وضع کیے تھے، جو پہلی بار 1996-97ء میں زمبابوے اور انگلینڈ کے مابین کھیلے جانے والے دوسرے ون ڈے کے دوران استعمال ہوئے تھے۔
یاد رہے بارش کے اصول کو انٹرنیشنل کرکٹ کونسل نے 1999ء ورلڈ کپ کے دوران باضابطہ طور پر اپنایا تھا۔
2014میں کوئینز لینڈ سے تعلق رکھنے والے ریاضی دان اسٹیوین اسٹرن نے سکورنگ کے جدید طریقہ کو مدنظر رکھتے ہوئے قواعد میں ایڈجسٹمنٹ کی تھی۔
ڈک ورتھ لوئس اسٹرن کا طریقہ 2015ء کے ورلڈ کپ میں بھی استعمال کیا گیا تھا۔
واضح رہے کہ گذشتہ برس ہونے والے ورلڈ کپ میں ڈک ورتھ لوئس قانون کا استعمال نہیں کیا گیا بلکہ پہلی بار 50 اوورز کے میچ ٹی ٹوئنٹی کی طرز پر سپر اوور کا قانون رائج کیا گیا۔
یہاں قابل ذکر یہ ہے کہ ورلڈ کپ 2019 کے چیمپئن کا فیصلہ بھی سپر اوور میں ہی ہوا۔
ٹونی لوئس کے انتقال پر انٹرنیشل کرکٹ کونسل ( آئی سی سی ) نے تعزیت کا اظہار کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News