رحیم یار خان: گالف کورس گراونڈ میں دو روزہ 21 واں سونا گالف ٹورنامنٹ کا آغاز ہوگیا ہے۔

تفصیلات کے مطابق رحیم یار خان کے گالف کورس گراونڈ میں دو روزہ 21 واں سونا انویٹیشنل گالف ٹورنامنٹ کا آغاز ہوگیا ہے جس میں ملک بھر سے 100 سے زائد ماہر گالفرز حصہ لے رہے ہیں۔

گالف گراونڈ 32 ہول پر مشتمل ہے جس میں گالفرز شاندار کھیل پیش کر رہے ہیں، کوئی لانگ شاٹ تو کوئی بال کو ہول میں پہنچا کر خوب داد سمیٹ رہا ہے۔

اس موقع پر برگیڈئیر ریٹائرڈ طلعت محمود جنجوعہ کا کہنا تھا کہ ہر سال دو روزہ گالف ٹورنامنٹ کا انعقاد کیا جاتا ہے اور یہ کھیل روابطہ کا بھی بہترین ذریعیہ ہے جس میں سب کو ایک ساتھ ملنے کا بھی موقع ملتا ہے۔

طلعت محمود جنجوعہ کا کہنا تھا کہ اس کھیل سے نہ صرف جسمانی قوت بلکہ ذہنی پختگی میں بھی اضافہ ہوتا ہے۔ ہرطرف گرینری ہے جس کی وجہ سے پرفضاء ماحول میں اس کھیل سے خوب لطف اندوز ہونے کا موقع ملتا ہے۔

طلعت محمود جنجوعہ کا مزید کہنا تھا کہ آنے والے شائقین بھی اس کھیل کو خوب پسند کررہے ہیں جبکہ شائقین کا کہنا تھا کہ اس طرح کے ٹورنامنٹ ہونے چاہیے۔