وزیر داخلہ شیخ رشید کا کہنا ہے کہ پاکستان آمد پر آسٹریلوی ٹیم کا شاندار استقبال کیا جائے گا۔
ان خیالات کا اظہار انہوں نے وزارت کے دیگر اعلیٰ حکام کے ہمراہ آسٹریلوی کرکٹ ٹیم کے سیکیورٹی وفد سے ملاقات کے دوران کیا۔
ملاقات میں پاکستان کرکٹ بورڈ (پی سی بی) کے ڈائریکٹر انٹرنیشنل کرکٹ ذاکر خان بھی موجود تھے۔
وزیر داخلہ نے آسٹریلوی وفد کو ٹیم کی فول پروف سیکیورٹی کی یقین دہانی کرواتے ہوئے کہا کہ آسٹریلوی ٹیم کی سیکیورٹی کے تمام انتظامات کرلیے ہیں۔
انہوں نے کہا کہ ٹیم کی سیکیورٹی کے حوالے سے سندھ اور پنجاب حکومت اور سکیورٹی اداروں سے مکمل رابطہ ہے۔
وزیر داخلہ کا مزید کہنا تھا کہ پاکستان کے لوگ کرکٹ سے بہت محبت کرتے ہیں۔ قوم 24 سال سے ملک میں پاک آسٹریلیا مقابلوں کی منتظر ہے، امید ہے شائقین کو اچھی کرکٹ دیکھنے کو ملے گی۔
شیخ رشید نے ٹیم بھیجنے کے اعلان پر آسٹریلیوی کرکٹ بورڈ کا شکریہ ادا کرتے ہوئے کہا کہ پاکستان آمد پر آسٹریلوی ٹیم کا شاندار استقبال کیا جائے گا۔
واضح رہے کہ آئندہ برس مارچ اپریل میں آسٹریلوی کرکٹ ٹیم 24 برس بعد پاکستان کا دورہ کرے گی۔
— Pakistan Cricket (@TheRealPCB) November 8, 2021
اس دورے میں تین ٹیسٹ میچز، تین ون ڈے اور ایک ٹی ٹوئنٹی میچ کھیلا جائے گا۔ ٹیسٹ اور ون ڈے میچز صبح 10 بجے شروع ہوں گے جبکہ واحد ٹی ٹوئنٹی میچ سہ پہر 3 بجے کھیلا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News