قومی کرکٹر محمد رضوان کی شادی کی تصاویر منظر عام پر آگئی ہیں۔

پاکستان کرکٹ ٹیم کے مایہ ناز وکٹ کیپر و بیٹر محمد رضوان کی شادی کی تصاویر سوشل میڈیا پر وائرل ہورہی ہیں جس پر صارفین بھی دلچسپ تبصرے کررہے ہیں۔

سوشل میڈیا پر محمد رضوان کی شادی کی تصاویر ان کی مداح کی جانب سے شیئر کی گئی ہیں جس میں ان کا دعویٰ ہے کہ یہ رضوان کی شادی کی تصاویر ہیں۔

https://twitter.com/Let_go_Move_on/status/1528772501425344513

شانزے نامی صارفہ نے اس تصویر کو شیئر کیا ہے جنہوں نے محمد رضوان کی تصویر کو اپنی پروفائل پر لگایا ہوا ہے جس سے وہ رضوان کی مداح معلوم ہوتی ہیں۔

تصایر کو شیئر کرتے ہوئے انہوں نے لکھا کہ ’اولڈ از گولڈ‘ جبکہ تصویر میں سابق کرکٹر عبدالباسط خان، اسپنر یاسر شاہ اور دیگر کھلاڑیوں کو بھی دیکھا جاسکتا ہے۔

واضح رہے کہ 29 سالہ محمد رضوان قومی ہیرو ہیں جنہوں نے مختصر وقت میں بہت سی کامیابیائیں اپنے نام کی ہیں، انہوں نے 122 میچز میں قومی ٹیم کی نمائندگی کی ہے۔

انہوں نے اپنے انٹرنیشنل کیرئیر کا آغاز 2015 میں وکٹ کیپر کے طور پر کیا تھا جس کے بعد سے انہوں نے واپس پیچھے مڑکر نہیں دیکھا۔

محمد رضوان ٹیسٹ میں 1112، ون ڈے میں 897 اور ٹی ٹوئنٹی میں 1662 رنز اسکور کرچکے ہیں جس میں ان کی 5 سنچریاں اور 24 نصف سنچریاں شامل ہیں۔

یاد رہے کہ محمد رضوان کی شادی ان کی کزن سے 2015 میں ہوئی تھی جن سے ان کی دو پیاری بیٹیاں ہیں۔