قومی ٹیم کے کپتان بابر اعظم نے عمرے کی سعادت حاصل کرلی ہے۔

قومی کرکٹ ٹیم کے کپتان بابر اعظم نے رمضان المبارک کے بابرکت مہینے میں عمرے کی سعادت حاصل کرلی ہے جبکہ عمرے کی ادائیگی کے بعد انہوں نے اپنا سر بھی منڈوالیا ہے جس کی تصویر سوشل میڈیا پر وائرل ہوگئی ہے۔

Blessed to be at the doorsteps of the first house of Allah SWT. 🕋

Meri khush qismati dekho k mehmaane Haram Tha’ira 🙏#Umrah #RamadanMubarak pic.twitter.com/FPjXadeCQh

Advertisement

— Babar Azam (@babarazam258) April 30, 2022

تصویر میں دیکھا جاسکتا ہے کہ بابر اعظم نے احرام باندھا ہوا ہے جبکہ وہ حرم شریف میں خانہ کعبہ کے بالکل عقب میں موجود ہیں۔

اس تصویر کو شیئر کرتے ہوئے انہوں نے لکھا کہ رمضان المبارک کے بابرکت مہینے میں اللہ سبحانہ و تعالیٰ کے پہلے گھر کی دہلیز پر حاضری نصیب ہوئی ہے۔

انہوں نے لکھا کہ یہ میری خوش قسمتی ہے کہ مسجد الحرام میں اللہ تعالیٰ کا مہمان ٹہرا ہوں۔

واضح رہے کہ رواں سال بابر اعظم سمیت پاکستان کے کئی نامور کرکٹرز اور شوبز شخصیات سمیت رہنماؤں نے عمرے کی سعادت حاصل کی ہے۔

خیال رہے کہ عالمی وبا کورونا وائرس کے باعث سعودی حکومت نے دو سالوں سے غیر ملکی عازمین حج اور عمرہ زائرین پر پابندی عائد کررکھی تھی۔

پابندی ہٹائے جانے کے بعد دنیا بھر سے لاکھوں لوگوں نے اس سال رمضان المبارک میں عمرے کیا ادائیگی کی ہے جبکہ سعودی حکومت نے اس سال 10 لاکھ عازمین حج کی میزبانی کا بھی اعلان کررکھا ہے۔