ومبلڈن اوپن ٹینس ٹورنامنٹ کا آغازآج سے ہوگا، جس میں جیتنے والے کو انعام میں 50 کروڑ روپے دیے جائیں گے۔
ومبلڈن اوپن ٹینس ٹورنامنٹ میں آل انگلینڈ لان ٹینس اور کروکٹ کلب میں کھیلا جائے گا، ایونٹ کے کامیاب انعقاد کے لئے تیاریاں عروج پرپہنچ گئیں ،دنیائے ٹینس کے نامور کھلاڑی ٹائٹل کے حصول کے لئے ایکشن میں نظر آئیں گے۔
ایونٹ میں مینز سنگلز، ویمنز سنگلز، مینز ڈبلز ویمنز ڈبلز اور مکسڈ ڈبلز سمیت دیگر مقابلے ہوں گے۔
سربیا کے شہرہ آفاق ٹینس اسٹار اور عالمی نمبر ایک نوویک جوکووچ میگا ایونٹ کے مینز سنگلز مقابلوں میں اپنے اعزاز کا دفاع کریں گے جبکہ خواتین کے سنگلز مقابلوں میں آسٹریلوی ٹینس اسٹار اور سابق عالمی نمبر ایک ایشلی بارٹی اپنے اعزاز کا دفاع کریں گی۔
اسی طرح مینز ڈبلز مقابلوں میں نیکولا مکٹک اور میٹ پاویک پر مشتمل کروشین جوڑی اپنے اعزاز کی بقا کیلئے کوشاں ہوگی۔
ویمنز ڈبلز مقابلوں میں بیلجئم کی ایلیس مرٹینز اور ان کی تائیوان کی جوڑی دار ہیش سو وائی اپنے ٹائٹل کے دفاع کیلئے پنجہ آزمائی کرے گی۔
میگا ایونٹ کی انتظامیہ نے ومبلڈن کے کھلاڑیوں کے لئے انعامی رقم میں ریکارڈ میں اضافہ کا اعلان کیا ہے جس کے مطابق انعامی رقم کو بڑھا کر 40.3 ملین پائونڈ کر دی گئی ہے جو گزشتہ سال کے ومبلڈن اوپن سے 11.1فیصد زیادہ ہوگی۔
یاد رہے کہ لندن میں کھیلے جانے والے اس گرینڈ سلیم ٹورنامنٹ کے لیے رینکنگ سسٹم ختم کیا گیا ہے، یہ فیصلہ برطانیہ کی طرف سے روس اور بیلاروس کے کھلاڑیوں پر برطانیہ میں کسی ایونٹ میں شرکت پر پابندی کے بعد کیا گیا، برطانیہ نے روسی اور بیلاروسی کھلاڑیوں پر یوکرین پر حملے کی وجہ سے پابندی عائد کر رکھی ہے۔
یہ میگا ایونٹ 14دن جاری رہنے کے بعد 11جولائی کوختم ہوگا۔
واضح رہے کہ میگا ایونٹ کا 134واں ایڈیشن 2020میں کھیلا جانا تھا لیکن عالمی وبا کورونا کی وجہ سے اس کو منسوخ کر دیا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News