پی سی بی نے ریڈ بال اور وائٹ بال کرکٹ کے لیے الگ الگ سینٹرل کنٹریکٹ کا اعلان کیا ہے جبکہ ان دونوں فارمیٹ میں شامل کھلاڑیوں کو دوگنی تنخواہ ملے گی۔
تاریخ میں پہلی مرتبہ پی سی بی نے ریڈ بال اور وائٹ بال کرکٹ کے لیے الگ الگ سینٹرل کنٹریکٹ متعارف کروائے ہیں جس کے باعث دونوں فارمیٹ میں شامل ہونے والے کھلاڑیوں کو دوگنی تنخواہ دی جائے گی۔
یہ بھی ہڑھیں: سینٹرل کنٹریکٹ یافتہ کھلاڑیوں کی تنخواہوں میں 30 فیصد اضافے کاامکان
جن کھلاڑیوں کو دونوں فارمیٹ میں شامل کیا گیا ہے ان میں اے کیٹیگری میں بابر اعظم، محمد رضوان اور شاہین شاہ آفریدی شامل ہیں جبکہ بی کیٹیگری میں امام الحق اور حسن علی کو شامل کیا گیا ہے۔
اس حوالے چیف سلیکٹر محمد وسیم کا کہنا تھا کہ جن کھلاڑیوں کو دونوں فارمیٹ میں شامل کیا گیا ہے انہیں الگ الگ مراعات اور تنخواہیں ملیں گی۔
یہ بھی پڑھیں: پی سی بی نے مینز سینٹرل کنٹریکٹ برائے 23-2022 کا اعلان کردیا
واضح رہے کہ بابر اعظم جو کہ تمام فارمیٹس کے کپتان بھی ہیں انہیں الگ الگ مراعات کے ساتھ کپتانی الاؤنس بھی ملے گا جبکہ بقیہ دونوں فارمیٹ میں شامل کھلاڑی دوہرے مراعات حاصل کریں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News