سابق کپتان شاہد آفریدی نے ٹی ٹوئنٹی ورلڈ کپ فائنل کے لیے قومی ٹیم کو بہادری سے لڑنے کا مشورہ دے دیا ہے۔
میڈٰیا سے گفتگو کرتے ہوئے بوم بوم آفریدی کا کہنا تھا کہ پاکستانی ٹیم میں انگلینڈ کو شکست دینے کی اہلیت ہے، اگر ہارنے کا خوف دل سے نکال کر کھیلیں تو یہ جیت سکتے ہیں۔
انہوں نے کہا کہ پاکستان اور انگلینڈ کی ٹیمیں ہم پلہ ہیں لیکن اس میچ میں فیلڈنگ اہم فرق ثابت ہوسکتی ہے جب کہ سیمی فائنل میں پاکستان اپنی بہترین فیلڈنگ کی وجہ سے جیتا۔
یہ بھی پڑھیں: کیون پیٹرسن نے فائنل کے حوالے سے بڑی پیش گوئی کردی
ان کا کہنا تھا کہ بولرز نے پورے ٹورنامنٹ میں اچھا پرفارم کیا لیکن ہمیں بولرز کو کم از کم 160 رنز بناکر دینا ہوں گے۔
سابق کپتان نے کہا کہ شکر ہے کہ حارث کو اوپر کھلایا جارہا ہے کیونکہ ان کی وجہ سے مخالف بولرز پر پریشر آجاتا ہے۔
شاہد آفریدی کہتے ہیں کہ ملک میں کرکٹ کی وجہ سے لوگوں کے چہروں پر مسکراہٹ آتی ہے اور اگر پاکستان ٹرافی جیت کر لاتا ہے تو اس سے بڑی کوئی خوشی نہیں ہوگی۔
انہوں نے مزید کہا کہ ٹی ٹوئنٹی ورلڈ کپ کے میچز دیکھ کر مزہ آرہا ہے لیکن اس مرتبہ کوالیفائی کرنا 1992 ورلڈ کپ سے بھی مشکل تھا، خواہش ہے کہ پاکستان اس ورلڈ کپ کو ٹرافی کے ساتھ یادگار بنائے۔
یہ بھی پڑھیں: ٹی ٹوئنٹی ورلڈ کپ کے فائنل کے لیے میچ آفیشلز کا اعلان
واضح رہے کہ پاکستان ٹی ٹوئنٹی ورلڈ کپ کے سیمی فائنل میں نیوزی لینڈ کو 7 وکٹوں سے شکست دے کر فائنل میں پہنچا ہے۔
ٹی ٹوئنٹی ورلڈ کپ کا فائنل 13 نومبر بروز اتوار کو میلبرن کرکٹ گراؤنڈ میں کھیلا جائے گا جس میں پاکستان کے مدمقابل انگلینڈ ٹیم ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News