قومی کرکٹ ٹیم کے کپتان بابر اعظم نے آئی سی سی ٹیسٹ پلیئرز رینکنگ میں کیریئر کی بہترین پوزیشن حاصل کرلی۔
تفصیلات کے مطابق انٹرنیشنل کرکٹ کونسل (آئی سی سی) نے پاک انگلینڈ ٹیسٹ سیریز کے اختتام پر نئی ٹیسٹ پلیئرز رینکنگ جاری کر دی ۔
بلے بازوں کی فہرست میں قومی کرکٹ ٹیم کے کپتان بابر اعظم ایک درجہ ترقی سے دوسری پوزیشن پر آگئے۔ جبکہ بولرز کی فہرست میں شاہین شاہ آفریدی مزید دو درجے تنزلی کے بعد ساتویں پوزیشن پر چلے گئے۔
مزید پڑھیں: آئی سی سی ٹیسٹ رینکنگ، پاکستان کی ایک درجہ تنزلی
بلے بازوں کی فہرست میں آسٹریلیا کے مارنس لبوشین بدستور پہلی پوزیشن پر براجمان ہیں۔ آسٹریلیا کے اسٹیو اسمتھ ایک درجہ تنزلی سے تیسری پوزیشن پر چلے گئے۔
آسٹریلیا کے ٹریوس ہیڈ نے ایک درجہ ترقی سے انگلینڈ کے جوروٹ سے چوتھی پوزیشن چھین کر انہیں پانچویں پوزیشن پر دھکیل دیا۔
On the up 📈
Babar Azam achieves yet another milestone in the latest @MRFWorldwide ICC Men's Test Player Rankings 👏https://t.co/06H1QIqUjO
— ICC (@ICC) December 21, 2022
بھارت کے ریشابھ پانت اور نیوزی لینڈ کے کین ولیمسن ایک ایک درجہ تنزلی سے بالترتیب چھٹی اور ساتویں پوزیشن پر چلے گئے۔
سری لنکا کے دیموتھ کرونا رتنے اور بھارت کے روہت شرما ایک ایک درجہ ترقی سے بالترتیب آٹھویں اور نویں پوزیشن پر آگئے جبکہ آسٹریلیا کے عثمان خواجہ دو درجہ تنزلی سے دسویں پوزیشن پر چلے گئے۔
مزید پڑھیں: ٹیسٹ رینکنگ میں سعود شکیل کی لمبی چھلانگ، بابر اعظم کی تنزلی
بولرز کی فہرست میں آسٹریلیا کے پیٹ کمنز اور انگلینڈ کے جیمز اینڈرسن کی بدستور بالترتیب پہلی اور دوسری پوزیشن برقرار ہے۔ جنوبی افریقہ کےکگیسو ربادا چار درجے ترقی سے تیسری پوزیشن پر آگئے۔
بھارت کے جسپریت بمراہ اور روی چندرن ایشون ایک ایک درجہ تنزلی سے بالترتیب چوتھی اور پانچویں پوزیشن پر چلے گئے جبکہ انگلینڈ کے اولی روبنسن کی چھٹی پوزیشن برقرار ہے۔
نیوزی لینڈ کے کائل جیمیسن آٹھویں، آسٹریلیا کے مچل اسٹارک نویں اور نیوزی لینڈ کے نیل ویگنر دسویں پوزیشن پر موجود ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News