پاکستان اور نیوزی لینڈ آج پہلے ایک روزہ میچ میں مد مقابل آئیں گے۔

تفصیلات کے مطابق پاکستان کے تاریخی دورے پر آنے والی ٹیم نیوزی لینڈ اور قومی ٹیم آج تین ون ڈے میچز کی سیریز کے پہلے میچ میں مد مقابل آئیں گی۔

مزید پڑھیں: آئی سی سی فیصلے کیخلاف پی سی بی کی اپیل

دونوں ٹیموں کے مابین دوسرا ون ڈے میچ 11 جنوری اور تیسرا ون ڈے میچ 13 جنوری کو کھیلا جائے گا۔ سیریز کے تینوں میچز کراچی میں کھیلے جائیں گے۔

سیریز  کے تمام میچز آئی سی سی مینز کرکٹ ورلڈ کپ سپر لیگ کا حصہ ہے۔ میچ مقامی وقت کے مطابق دوپہر ڈھائی بجے شروع ہوگا۔

آئی سی سی مینز کرکٹ ورلڈ کپ سپر لیگ میں 13 ٹیموں کے پوائنٹس ٹیبل پر پاکستان چھٹے اور نیوزی لینڈ دوسرے نمبر پر ہے۔

Gearing up for the #PAKvNZ ODI series 🇵🇰🇳🇿

🗣️ The two captains look forward to the 50-over contests #TayyariKiwiHai pic.twitter.com/bKxsntYkKW

— Pakistan Cricket (@TheRealPCB) January 8, 2023

پاکستان نے 2022 میں آسٹریلیا، ویسٹ انڈیز اور ہالینڈ کے خلاف کھیلی گئی تینوں  ون ڈے سیریز  میں فتح سمیٹی ہے۔ پاکستان نے آخری ہوم اور اوے سیریز میں مخالف ٹیموں کو وائٹ واش کیا  اور آخری آٹھ میچز  میں ناقابل شکست ہے۔

مزید پڑھیں: پاکستان اور نیوزی لینڈ کے درمیان دوسرا ٹیسٹ بھی بے نتیجہ رہا

واضح رہے کہ رواں برس آئی سی سی مینز کرکٹ ورلڈ کپ ہونا ہے اور پاکستان کو میگا ایونٹ سے قبل کم از کم 11 ایک روزہ بین الاقوامی میچز اور اے سی سی ایشیا کپ کھیلنا ہے۔