کوئٹہ میں پہاڑ کی چوٹی جلد سر کرنے کی کوشش میں کوہ پیما جاں بحق ہو گیا۔

تفصیلات کے مطابق 7 گھنٹوں کے سرچ آپریشن کے بعد کوہ پیما کی لاش پہاڑ سے اتار دی گئی۔

پی ڈی ایم اے کے مطابق واقعہ کرخسہ کے پہاڑی سلسلے میں پیش آیا جہاں دو کوہ پیما گزشتہ روز 1200 فٹ بلند چوٹی کو سر کرنے کے لئے نکلے دونوں کوہ پیمائوں نے دوران سفر ٹریک چھوڑ دیا اور چوٹی تک پہنچنے کے لئے دشوار گزار مختصر راستہ چنا اس دوران ایک کوہ پیما محمد شکیل کا پائوں پھسل گیا اور وہ پہاڑ کے کریشنگ والے علاقے میں پڑی دراڑ میں جا گرا۔

پی ڈٰی ایم اے حکام کا کہنا ہے کہ انہیں رات 1 بجے اطلاع ملی جس کے بعد ہی پی ڈی ایم اے کی ریسکیو فورس موقع پر پہنچی اور صبح 8 بجے تک سرچ آپریشن جاری رکھا۔

7 گھنٹوں تک جاری رہنے والے سرچ آپریشن کے دوران پہلے دراڑ سے کوہ پیما کی لاش نکالی گئی، بعد ازاں اسے 400 فٹ کی بلندی سے اتار کر اسپتال منتقل کیا گیا۔

ضروری کارروائی کے بعد لاش ورثاٗ کے حوالے کر دی گئی جبکہ دوسرے کوہ پیما کو پولیس نے گرفتار کر لیا جس سے تفتیش کی جا رہی ہے۔