باسکٹ بال میچ کے دوران مخالف پلیئر کی کہنی لگنے سے سربیا کے کھلاڑی کا گردہ ضائع ہوگیا۔
منیلا میں باسکٹ بال ورلڈ کپ میں 30 اگست کو سربیا اور جنوبی سوڈان کے میچ میں سربیا کے فارورڈ پلیئر بوریسا سیمانک حادثاتی طور پر جنوبی سوڈان کے پلیئر کی کہنی لگنے سے زخمی ہوگئے تھے۔
سربیا کی باسکٹ بال فیڈریشن نے منگل کو اعلان کیا کہ اس واقعے میں انکے کھلاڑی بوریسا سیمانک اپنا ایک گردہ کھو چکے ہیں اور منیلا میں گزشتہ اتوار کو آپریشن کے بعد انکا ناکارہ ہونے والا گردہ نکال دیا گیا ہے۔
سیمانک بدھ کو جنوبی سوڈان کے خلاف سربیا کی جیت سے صرف 2 منٹ پہلے زخمی ہوئے تھے۔
جنوبی سوڈان کے کھلاڑی نونی اوموٹ باسکٹ کے نیچے گول کرنے کی کوشش کر رہے تھے کہ اس دوران انکی کہنی سیمانک کی پیٹ پر لگی جس سے وہ چند سیکنڈ بعد چیخ مارنے کے بعد گھٹنوں کے بل بیٹھ گئے۔
نونی اوموٹ نے جنوبی سوڈان کی باسکٹ بال فیڈریشن کے توسط سے جاری بیان میں کہا کہ میں سیمانک کیساتھ پیش آنے والے واقعے پر بہت افسردہ ہوں اور ایک اسپورٹس مین کے طور پر اس صورتحال کی سنگینی کو سمجھتا ہوں۔ مجھے بہت افسوس ہے کہ ایسا ہوا سیمانک کی صحت یابی اور جلد واپسی کیلئے دعا گو ہوں۔
دریں اثنا جنوبی سوڈان کی فیڈریشن کا کہنا ہے کہ اوموٹ کو اس واقعے کے بعد ہراسانی اور نسل پرستی کا نشانہ بنایا جارہا ہے جس کی شدید مذمت کرتے ہیں۔
بیان میں کہا گیا کہ باسکٹ بال ایک ایسا کھیل ہے جو لوگوں کو یکجا کرنے کے لیے پہچانا جاتا ہے اسے تعصب کے آلے کے طور پر استعمال نہ کیا جائے۔
پیر کو ٹیم کی پریکٹس کے بعد سربیا کے فارورڈ نکولا ملوٹینوف نے صحافیوں کو بتایا کہ اس واقعے نے سربیا کی ٹیم کو بہت زیادہ ہلا کر رکھ دیا ہے۔ ہم اس کھیل کے بعد سوئے نہیں تھے۔ یہ واقعی ہر ایک کے لئے ایک مشکل لمحہ تھا۔ مجھے امید ہے کہ دنیا میں کسی کے ساتھ ایسا کبھی نہیں ہوگا۔ ہم سیمانک کے لیے دعا کر رہے ہیں کہ وہ جلد ٹھیک ہو جائے۔
خیال رہے کہ سیمانک نے ورلڈ کپ کے دوران تین میچز میں سربیا کے بینچ سے تقریباً 20 منٹ میں تین پوائنٹس بنائے تھے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News