برگیڈیئر (ر) مسرت اللہ خان نے مشیر برائے صدر پی ایچ ایف کا منصب سنبھال لیا ہے۔

ڈائریکٹر ایڈمنسٹریشن پی ایچ ایف اولمپئن خالد بشیر نے ایڈوائزر صدر پی ایچ ایف کا استقبال کیا جب کہ اولمپئن ریحان بٹ، اولمپئن محمد ثقلین، ایگزیکٹیو سیکرٹری علی عباس، سردار نوید حیدر اور سہیل اطہر بھی بھی اس موقع پر موجود تھے۔

ایڈائزر صدر پی ایچ ایف برگیڈیئر (ر) مسرت اللہ خان کہتے ہیں پاکستان ہاکی فیڈریشن کی بہتری کے لیے بھرپور کاوش کروں گا۔

انہوں نے کہا پی ایچ ایف کے موجودہ معاشی حالات میں یہ آسان ٹاسک نہیں، اولمپک کوالیفائر کی جانب توجہ مرکوز کرنے کی ضرورت ہے۔

برگیڈیئر (ر) مسرت اللہ خان کا مزید کہنا تھا کہ میرٹ، پروفیشنل ازم اور مضبوط خودارادی سے چیزیں بہتر کی جاسکتی ہیں۔

دوسری جانب پاکستان ہاکی فیڈریشن کے صدر نے اولمپئن اور بین الاقوامی کھلاڑیوں کی خدمات ان کے محکمے کو واپس کردی ہیں۔

صدر پی ایچ ایف میر طارق حسین بگٹی کے مطابق محکمہ جات کو صرف درکار خدمات کے حامل پروفیشنل کھلاڑیوں کی درخواست کریں گے۔

صدر پی ایچ ایف میر طارق حسین بگٹی کی ہدایات پر پاکستان ہاکی فیڈریشن نے اس سلسلہ میں  پی آئی اے، واپڈا، نیشنل بینک سمیت  دیگر محکمہ جات کو مراسلے جاری کردیے گئے۔