امریکی  نیلام گھرنےاسٹیو جابز کےدستخط والی فلاپی 84,115 ڈالر میں فروخت کردی  ۔

غیر  ملکی خبر رساں  ادارےکےمطابق نوادرات فروخت کرنے والے ایک مشہور امریکی نیلام گھر (آکشن ہاؤس) نے ایپل کمپیوٹرز کے بانی اسٹیو جابز کے دستخط والی فلاپی 84,115 ڈالر پاکستانی(  ایک کروڑ 30 لاکھ روپے )میں فروخت کی ہے۔

اس فلاپی ڈسک میں ’’میکنٹوش سسٹم ٹولز 6.0‘‘ نامی سافٹ ویئر محفوظ ہے، جس کی بنیاد پر بوسٹن کے مشہور ’’آر آر آکشن‘‘ نیلام گھر کے ماہرین نے اندازہ لگایا ہے کہ یہ دستخط غالباً 1988 میں کسی وقت کیا گیا تھا۔

آکشن ہاوس  کے مطابق  دستخط اس لحاظ سے اہمیت رکھتے ہیں کیونکہ اسٹیو جابز کو آٹوگراف دینے کا شوق نہیں تھا اور وہ بہت کم لوگوں کو اپنے دستخط شدہ تحائف دیا کرتے تھے۔

حالیہ چند مہینوں کے دوران اسٹیو جابز کا دستخط کردہ، ڈزنی پکسار کی فلم ’’ٹوائے اسٹوری‘‘ کا اوریجنل پوسٹر 30 ہزار ڈالر میں فروخت ہوا۔

اس سے قبل  گزشتہ برس اسٹیو جابز کے ہاتھ سے لکھی ہوئی ملازمت کی درخواست سب سے مہنگے داموں یعنی ایک لاکھ 74 ہزار ڈالر میں فروخت ہوچکی ہے۔

واضح  رہے کہ اسٹیو جابز کا انتقال 5 اکتوبر 2011 کے روز کینسر کی وجہ سے ہوا۔