مائیکرو سافٹ کے شریک بانی بل گیٹس نے سال 2035 کے حوالے سے حیران کن پیشگوئی کر دی ہے۔

 حال ہی میں مائیکرو سافٹ کے شریک بانی بل گیٹس نے ورلڈ اکنامک فورم کے سالانہ اجلاس کیلئے خط تحریر کیا ہے جو 25 صفحات پر مشتمل ہے۔

انہوں نے خط میں پیشگوئی کی کہ 2035 تک دنیا میں کوئی بھی ملک غریب نہیں رہے گا۔

  انہوں نے لکھا کہ غریب ممالک کا غریب رہنا اس کے نصیب میں نہیں ہوتا، جن ممالک کو ترقی پذیر کہا جا رہا ہے ان میں سے کچھ پہلے ہی نمایاں ترقی کر چکے ہیں۔

بل گیٹس نے لکھا کہ میں اس بارے میں کافی پر امید ہوں کہ میں ایک پیشگوئی کر سکتا ہوں، غریب ممالک اپنے سب سے زیادہ مصنوعات بنانے والے پڑوسی ممالک سے سیکھیں گے، نئی ویکسین، بہترین بیج اور ڈیجیٹل انقلاب جیسی پیشرفت سے فائدہ اٹھائیں گے۔

انہوں نے لکھا کہ اس وقت دنیا پہلے سے کئی زیادہ بہتر شکل میں ہے، لوگ طویل اور صحت مند زندگی گزار رہے ہیں، گزشتہ 25 سالوں میں غربت کی شرح نصف فیصد کم ہوگئی جبکہ بچوں کی اموات میں بھی کمی آئی۔

مائیکرو سافٹ کے شریک بانی بل گیٹس نے خط میں لکھا کہ بہت سے ممالک جو امداد پر انحصار کرتے تھے وہ اب خود کفیل ہوگئے ہیں۔