ویڈیو پلیٹ فارم یوٹیوب نے طلباء کو خوشخبری سنادی ہے۔
تفصیلات کے مطابق معروف ویڈیو پلیٹ فارم یوٹیوب نے طلباء کی سہولت کیلئے تعلیمی ویڈیوز اور اسٹریم کو مزید مؤثر بنانے کیلئے اضافی معلومات اور تفصیلات کے نئے فیچرکی آزمائش شروع کردی ہے۔
اس نئے فیچر کے تحت ویڈیوز میں شامل اہم ابواب اور ان کے پس منظر سے آگاہ کیا جائے گا تاکہ ویڈیو کو دیکھنے والے خاکوں، اضافی معلومات، ذیلی معلومات اور دیگر طریقوں سے بھی استفادہ کرسکیں۔
اس حوالے سے یوٹیوب نے کہا ہے کہ ہم تعلیمی اور تدریسی ویڈیوز کے لیے ایک نیا خودکار نظام کی آزمائش کررہے ہیں، جس میں تصاویر اور چھوٹی چھوٹی معلومات کی صورت میں ویڈیو کے اندر تفصیلات نمودار ہوں گی۔
انہوں نے کہا کہ ابھی تک انگلش کی کچھ ویڈیوز پر اس کی آزمائش کی جارہی، ان میں اسکولوں کا نصاب مثلاً حیاتیات، کیمیا اور دیگرموضوعات شامل ہیں۔ یہ آپشن موبائل ایپ کے لیے ہیں جو مخصوص بی ٹا ٹیسٹرز کے لیے ہے۔
یوٹیوب کا کہنا ہے کہ اس کا مقصد یہ ہے کہ تعلیمی ویڈیوز میں وضاحتی معلومات کے لیے صارفین کو الگ سے نیا صفحہ یا ونڈو نہیں کھولنی پڑے گی اور ویڈیو کے درمیان ہی مزید تفصیلات ظاہرہوجائیں گی۔ یوں تعلیمی ویڈیوز سے مزید فائدہ اٹھانا ممکن ہوگا۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News