ویڈیو شیئرنگ سائٹ یوٹیوب میں 2 نئے فیچرز کا اضافہ کردیا گیا۔
رپورٹ کے مطابق یوٹیوب شارٹس استعمال کرنے والے صارفین اب مختصر ویڈیوز کے اس سیکشن کو لائیو ویڈیو اسٹریمنگ کے لیے بھی استعمال کر سکیں گے۔
جی ہاں، کمپنی نے بتایا کہ شارٹس ویڈیوز اسکرولنگ کے دوران صارفین لائیو ویڈیو کا پریویو دیکھ سکیں گے جس پر کلک کرنے پر اسے مکمل طور پر دیکھنا ممکن ہوگا۔
شارٹس پر لائیو ویڈیوز کو ورٹیکل فارمیٹ میں اسٹریم کرنا بھی ممکن ہوگا۔
ویسے تو یوٹیوب پر ورٹیکل فارمیٹ میں لائیو اسٹریمنگ کا آپشن کافی عرصے سے موجود ہے مگر اب اسے شارٹس فیڈ کا حصہ بنایا جا رہا ہے۔
یوٹیوب شارٹس میں لایو اسٹریمنگ کے حوالے سے ایپ میں متعدد ڈسکوری آپشنز کا اضافہ بھی کیا جائے گا۔
شارٹس میں اس نئے اضافے کے ساتھ ساتھ یوٹیوب کی جانب سے پوڈ کاسٹ براہ راست یوٹیوب اسٹوڈیو سے اپ لوڈ کرنے کی سہولت بھی فراہم کی جا رہی ہے۔
اس تبدیلی سے صارفین اپنی آر ایس ایس فیڈ کو براہ راست یوٹیوب اسٹوڈیو سے منسلک کر سکیں گے جس سے وہ اپنے مواد کو زیادہ افراد تک پہنچا سکیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News