پاکستان شوبزانڈسٹری کوحال ہی میں خیربادکہنے والے اداکارحمزہ علی عباسی نے ترک صدررجب طیب اردوان کی پاکستان آمد کےموقع پرکہا ہےکہ خدا ترکی اور پاکستان کو آباد رکھے۔

تفصیلات کے مطابق حمزہ عباسی نے ٹویٹرپرتصویر وزیراعظم عمران خان اورترک صدرکی تصویرشئیر کرتےہوئے لکھا کہ ’’پاک ترک دوستی اس حقیقت کی بہترین اور اعلیٰ مثال ہے کہ تمام مسلمان آپس میں بھائی بھائی ہیں۔ مجھے ترک صدر اور عمران خان سے بہت امیدیں ہیں۔ خدا انہیں اپنے کام میں مخلص رکھے، ان کی رہنمائی اور مدد کرے۔ خدا ترکی اور پاکستان کو آباد رکھے۔‘‘

واضح رہے کہ ترک صدر رجب طیب اردوان 2 روزہ دورے پرپاکستان میں موجود ہیں۔ ترک صدرنے پارلیمنٹ کے مشترکہ اجلاس میں خاطب کے دوران پاکستانیوں کے دل چھولیےاورپوری دنیا کو پاک ترک دوستی کے حوالے سے مضبوط پیغام دیتے ہوئے کہا کہ پاکستان کو بھرپور تعاون اور حمایت کا یقین دلاتا ہوں۔ ہم پاکستانیوں سے محبت نہیں کریں گے تو کس سے کریں ہمارا پاکستان کے ساتھ دل کا رشتہ ہے۔

#PakTurkFriendship is an amazing example of the fact tht ALL MUSLIMS ARE A BROTHERHOOD ❤️… High hopes from these leaders. May Allah give them sincerity, guide them and help them. Allah Türkiye ve Pakistan'ı kutsasın 🇵🇰 🇹🇷 pic.twitter.com/zkHEdtBQGR

Advertisement

— Hamza Ali Abbasi (@iamhamzaabbasi) February 14, 2020

ترک صدر نے کہا ہے کہ ترک پاکستان تعلقات سب کے لئے قابل رشک ہیں، پاکستان آکرلگتا ہے اپنےگھرمیں ہی ہوں۔

پارلیمنٹ کے اجلاس سے ترک صدر رجب طیب اردوان نے خطاب کرتے ہوئے کہا کہ محترم ایوان کو سلام پیش کرتا ہوں، مشترکہ اجلاس سے خطاب باعث فخر ہے، خطاب کا موقع فراہم کرنے پر شکر گزار ہوں۔

ترک صدر نے کہا کہ پرتپاک استقبال اور مہمان نوازی پر پاکستان کا شکرگزار ہوں، پاکستان اور ترکی کے تعلقات مذہب اور ثقافت پر مشتمل ہیں، دونوں ملکوں کی قیادت کو یک جا کرنے پر اللہ کا شکر ادا کرتا ہوں، ترک قوم کی جدوجہد کے وقت لاہور میں حمایتی جلسوں کو ہم نہیں بھول سکتے، عوام نے اپنا پیٹ کاٹ کر ترک عوام کی مدد کی، لاہور جلسے میں علامہ اقبال نے بھی خطاب کیا، پاکستان کے شاعر علامہ اقبال ترک عوام کے لیے انتہائی قابل احترام ہیں، کشمیر ہمارے لیے اسی طرح ہے جیسے آپ کے لیے، ہم آپ سے محبت نہیں کریں گے تو کس سے کریں گے، پاکستان کی کامیابی ترکی کی کامیابی ہے۔