یہ بات تو ہم سب ہی جانتے ہیں کہ جب گوگل پر آئی ڈی بنائی جاتی ہے تو گوگل اپنے پاس صارفین کا ڈیٹا مخفوظ کرلیتا ہے۔
لیکن کیا آپ اس بات سے واقف ہیں کہ گوگل اسکے علاوہ آپ کا کون سا ڈیٹا اپنے پاس مخفوظ کرلیتا ہے؟
اگر نہیں تو آج کا آرٹیکل آپ کے بہت کام آسکتا ہے۔
ماہرین کا کہنا ہے کہ گوگل اگرچہ صارفین کا تمام ڈیٹا اپنے پاس محفوظ رکھتا ہے تاہم ایک ویب سائٹ ایسی ہے جہاں صارفین گوگل کی طرف سے محفوظ کردہ ڈیٹا دیکھ سکتے ہیں اور نہ صرف اسے ڈیلیٹ کر سکتے ہیں بلکہ وہاں سے اس کی سیٹنگز بھی تبدیل کر سکتے ہیں۔
اس ویب سائٹ تک آپ اپنے گوگل اکاﺅنٹ کے ذریعے بھی رسائی حاصل کر سکتے ہیں۔
اس مقصد کے لیے آپ کو اپنا گوگل اکاﺅنٹ براﺅزر میں سائن ان کرنا ہو گا اور پھراپنی پروفائل پکچر پر کلک کرکے اپنے گوگل اکاﺅنٹ میں جانا ہو گا۔ یہاں آپ کو ’مینیج یور گوگل اکاﺅنٹ‘ (Manage your Google Account)منتخب کرکے ’ڈیٹا اینڈ پرسنلائزیشن‘ (Data & personalization)کے آپشن میں جانا ہو گا۔
یہاں آپ کو آپ کا وہ تمام ڈیٹا نظر آ جائے گا جو گوگل نے اپنے پاس محفوظ کر رکھا ہے۔ یہاں آپ کی یوٹیوب واچ اینڈ سرچ ہسٹری بھی ہو گی اور میپس ٹائم لائن بھی۔
اگر آپ اسکرول کرتے ہوئے نیچے جائیں گے تو آپ کو ’ڈاﺅن لوڈ‘ یا ’ڈیلیٹ یور ڈیٹا‘ کے آپشن نظر آئیں گے۔
یہاں سے آپ اپنے ڈیٹا کی فائل ڈاﺅن لوڈ کر سکتے ہیں اور اپنا ڈیٹا ڈیلیٹ بھی کر سکتے ہیں۔ اگر آپ چاہتے ہیں کہ گوگل آپ کا ڈیٹا محفوظ نہ کرے تو اس کے لئے آپ کو ’ڈیٹا اینڈ پرائیویسی‘ میں جا کر ’مائی ایکٹیویٹی‘ (My Activity)کے آپشن میں جانا ہو گا۔یہاں ’ویب اینڈ ایپ ایکٹیویٹی‘ (Web & App activity)میں جا کر اسے ’آف‘ کر دیں۔ یہاں سے آپ اپنی لوکیشن ہسٹری اور یوٹیوب ہسٹری کو بھی ’آف‘ کر سکتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News