شمال مغربی بلو چستان جبکہ بالائی خیبرپختونخوا کے پہاڑی علا قوں، کشمیر، گلگت بلتستان اور جنوبی پنجاب میں چند مقامات پر بارش کا امکان ہے۔

 محکمہ مو سمیات کے مطابق پنجاب اور بالائی سندھ  کے بیشتر علاقوں میں دھند متوقع ہےجبکہ ملک کے دیگرعلاقوں میں موسم خشک اور سر د رہے گا۔

پنجاب ، دھند میں اضافہ، موٹروے جزوی بند

بلوچستان کے شہر کو ئٹہ، قلعہ عبد اللہ، نوشکی، مسلم باغ، چمن، چاغی اور ژوب میں بھی چند مقامات پر بارش اور برفباری کا امکان ہے۔

ذرائع کے مطابق اسلام آباد میں آج مطلع جزوی ابر آلود رہے گا، تاہم شہر کا درجہ حرارت صبح کے وقت 7 ڈگری سینٹی گریڈ ریکارڈ کیا گیا جو زیادہ سے زیادہ 16 تک جا سکتا ہے۔

سندھ کے بیشتر اضلاع میں موسم سرد اور خشک رہے گا جبکہ  سکھر، جیکب آباد اور لاڑکانہ میں دھند پڑ سکتی ہے۔

اس کے ساتھ ساتھ بالائی خیبر پختونخوا کے پہاڑی علاقوں بونیر، چترال، دیر، کالام، مالاکنڈ، شانگلہ، سوات، کرم، ڈیرہ اسماعیل خان اور وزیرستان کے اضلا ع میں چند مقامات پر بارش اور برفباری کے امکانات ہیں ۔

ذرائع کے مطابق  پنجاب کے اضلاع سیالکوٹ، ناروال، گوجرانوالہ، جہلم، راولپنڈی، فیصل آباد، گجرات، حا فظ آباد، لا ہور، جھنگ، بہاولپور، سر گودھا، رحیم یارخان اور ساہیوال میں دھند پڑے گی ۔

محکمہ مو سمتا کے مطابق آزادکشمیر اور گلگت بلتستان کے بیشترعلاقوں میں مطلع ابرآلود رہے گا  جبکہ چند مقامات پر بارش کا بھی امکان ہے۔

واضح رہے کہ گزشتہ چو بیس  گھنٹوں کے دوران ملک کے بیشترعلاقوں میں موسم خشک اور سرد رہے گا۔

ملک کے شمالی علاقہ جات اور شمالی بلوچستان میں مو سم شدید سرد رہا۔

سب سے زیادہ سردی سکردو میں پڑی جس کا درجہ حرارت منفی21 ڈگری سینٹی گریڈ ریکارڈ کیا گیا۔