برطانوی پارلیمنٹ کے آئندہ ماہ منعقد ہونے والے انتخابات کے لیے امکان ظاہر کیا جارہا ہے کہ تیس سے زائد انتخابی حلقوں کے نتائج مسلمان ووٹرز کے فیصلے پر منحصر ہیں۔
تفصیلات کے مطابق یہ انکشاف مسلم کاؤنسل آف برطانیہ کی جانب سے جاری کردہ ریسرچ میں کیا گیا ہے جس کے مطابق مسلمان ووٹ کل 31 نشستوں پر فیصلہ کن ثابت ہوگا۔
ریسرچ کے سامنےکے بعد برطانیہ کی مساجد میں ایک تحریک شروع ہوئی ہے جس میں برطانیہ کے مسلم ووٹرز کو زیادہ سے زیادہ رجسٹریشن کرانے کی ترغیب دی جارہی ہے۔
جن نشستوں پر مسلم ووٹ اثر انداز ہوں گے ان میں سرفہرست مغربی لندن کا علاقہ کنسگٹن ہے جہاں سے لیبر پارٹی کی جیت کے قوی امکانات ہیں، یہاں مسلمان ووٹرز کی تعدا 5،431 ہے ۔
ایک اور اہم نشست جہاں مسلم ووٹ اثر انداز ہوگا وہ ڈڈلے نارتھ کی ہے اور یہاں پر لیبر پارٹی کے مدمقابل کنزرویٹو پارٹی سے زیک گولڈ اسمتھ امید وار ہیں۔ ان دونوں حلقوں میں مسلمان ووٹ چار فیصد ہے۔
وہ 31 حلقے جہاں مسلمان ووٹ اہمیٹ رکھتا ہے ان میں سے 14 نشستیں لیبر پارٹی کے پاس ہیں، اور 14 نشستیں ہی کنزرویٹو پارٹی کے پاس ہیں جبکہ تین ایس این پی کے زیر اثر ہیں۔
برطانوی مسلمانوں کی مرکزی نمائندہ جماعت مسلم کاؤنسل آف برطانیہ غیر سیاسی رحجان رکھتی ہے اور کسی ایک پارٹی کی حمایت نہیں کرتی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News