ویب سائٹ ’علی بابا‘ کے مالک نے کورونا وائرس کی ویکسین کے  لیے  بڑا عطیہ کر دیا ہے۔

تفصیلات کے مطابق ’علی بابا ‘ کے بانی جیک ما اور چین کی امیر ترین شخصیت نے کورونا وائرس کی ویکسین تیار کرنے کے لیے ایک کروڑ 44 لاکھ ڈالر عطیہ کرنے کا اعلان کردیا۔

جیک ما کی جانب سے کورونا وائرس کے لیے کی جانے والی امداد کی رقم میں سے 58 لاکھ کو ریسرچ اداروں کے لیے مختص کر دیے گئے ہیں۔

ریسرچ ادارے جہاں کورونا وائرس  کے مرض کی ویکسین تیار کرنے کے لیے سائنسدان دن رات کوششوں میں مصروف ہیں۔

جبکہ باقی رقم کرونا وائرس کے پھیلاؤ کو روکنے اور اس کے علاج کے لیے خرچ کی جائے گی۔

یاد رہے کہ علی بابا کے علاوہ اس وائرس کی روک تھام کے لیے دیگر مشہور کمپنیوں کے مالکان نے بھی امداد کی ہے۔

دوسری جان مائیکروسافٹ کے بانی بل گیٹس اور ان کی اہلیہ کی فاؤنڈیشن نے ایک کروڑ ڈالر کی رقم کرونا وائرس کی ویکسین تیار کرنے کے لیے عطیہ کی ہے۔

We are committing $10 million in emergency funds and corresponding support to assist frontline responders in China and Africa in their efforts to contain the global spread of 2019-nCoV (coronavirus).

Full statement: https://t.co/KgkBfzq24S

Advertisement

— Gates Foundation (@gatesfoundation) January 26, 2020

اس کے علاوہ ایپل کمپنی کےمالک ٹیم کوک نے اپنے ایک سوشل میڈیا پیغام میں لکھا کہ اس مشکل کی گھڑی میں وہ چین کے ساتھ کھڑے ہیں۔

As people in China and around the world celebrate the Lunar New Year, we send our love and support to the many impacted by the Coronavirus. Apple will be donating to groups on the ground helping support all of those affected.

Advertisement

— Tim Cook (@tim_cook) January 25, 2020

خیال رہے کہ اس مرض کا وائرس نمونیا جیسی علامات کو ظاہر کرتا ہے جبکہ اس سے سانس کے مسائل بھی پیدا ہوتے ہیں۔

واضح رہے کہ عالمی ادارہ صحت نے تیزی سے پھیلتے مہلک کورونا وائرس کے باعث بین الاقوامی ایمرجنسی نافذ کردی ہے۔

گزشتہ ماہ سے دنیا میں تیزی سے پھیلتےکرونا وائرس کی تاحال کوئی ویکسین موجود نہیں ہے جس سے اس مرض میں مبتلا مریض کا علاج کیاجا سکے۔

اس سے قبل عالمی ادارہ صحت نے مہلک کرونا وائرس کے باعث بین الاقوامی ایمرجنسی نافذ بھی کی۔

 عالمی ادارہ صحت نے دنیا کے کئی ممالک میں تیزی سے پھیلتے مہلک کرونا وائرس کے باعث بین الاقوامی ایمرجنسی نافذ کردی اور کہا کہ چین میں پھیلتے وائرس کی وجہ سے بین الاقوامی سفری پابندیاں بلاجواز ہیں۔

چینی حکام نے کرونا وائرس سے نمٹنے کےلئے ٹھوس کوششیں کی ہیں، وزیر خارجہ

ڈبلیو ایچ او کا اس سلسلے میں کہنا ہے کہ اس اقدام کی اہم وجہ بیماری سے چین میں پیدا صورتحال نہیں بلکہ دیگر ممالک میں پیش آنیوالی صورتحال ہے،جن ممالک میں صحت کا نظام کمزور ہے وہاں یہ بیماری تیزی سے پھیل سکتی ہے۔

 عالمی ادارہ صحت نے چین سے مختلف ممالک کے شہریوں کے انخلا کی مخالفت کردی تھی۔