افغان طالبان نے افغانستان میں برطانوی نشریاتی ادارے (بی بی سی) کی مقامی زبان میں نشریات بند کردیں۔
بین الاقوامی خبر رساں ادارے کے مطابق افغان طالبان نے برطانوی نشریاتی ادارے (بی بی سی) کی افغانستان میں تین بڑی زبانوں میں چلنے والی نشریات کو بند کردیا ہے۔
افغان طالبان کی جانب سے بین الاقوامی براڈ کاسٹرز کو فوری طورپر برطانوی نشریاتی ادارے کی پشتو، فارسی اور ازبک زبان میں چلنے والی نشریات کو آف ایئر کرنے کا حکم دیا گیا ہے۔
یہ بھی پڑھیں: افغان طالبان نے طالبات کے ہائی اسکول دوبارہ کھولنے کاحکم واپس لے لیا
افغانستان میں بی بی سی کے سربراہ کا کہنا تھا کہ غیر مستحکم اور پریشان کن صورتحال میں یہ افغانستان کے لوگوں کے لیے تشویشناک ہے کیونکہ ہر ہفتے تقریباً 6 ملین افغان شہری بی بی سی کی یہ نشریات دیکھتے ہیں جنہیں اب اس سے محروم کردیا گیا ہے۔
خبر رساں ادارے کا کہنا ہےکہ اس حوالے سے طالبان کی وزارت اطلاعات کے ترجمان نے کسی قسم کا بیان دینے سے گریز کیا ہے۔
اقوام متحدہ کے مشن نے افغانستان میں بی بی سی کی نشریات بند ہونے کی شدید مذمت کی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News