متحدہ عرب امارات کی ریاست دبئی میں واقع معروف پُرتعیش علاقے جمیرہ ولیج سرکل میں چھ ڈاکوؤں نے ایک ولا میں گھس کر مکینوں کو ہراساں کرتے ہوئے 3 لاکھ 26 ہزار ایک سو 55 ڈالر کی نقدی اور زیورات لوٹ لیے۔
عرب نیوز کے مطابق دبئی پولیس نے فوری کارروائی کرکے چار ڈاکوؤں کو گرفتار کر لیا ہے جبکہ دو مفرور ڈاکوؤں کی تلاش جاری ہے۔
متحدہ عرب امارات کے قومی روزنامے خلیج ٹائمز نے رپورٹ کیا ہے کہ چھریوں اور ہتھوڑے سے لیس ڈاکو ولا کی بالائی منزل سے گھر میں داخل ہوئے۔ متاثرہ خاندان کے ایک فرد کے مطابق ڈاکوؤں نے گھر والوں میں سے چار افراد کو رسیوں سے باندھ دیا اور شور مچانے پر انہیں جان سے مارنے کی دھمکی بھی دی۔
ڈاکو ایک لاکھ 22532 ڈالر کی نقدی جبکہ 94758 ڈالر مالیت کی دو گھڑیاں اور ایک لاکھ 8917 ڈالر مالیت کی ہیرے کی ایک انگوٹھی لے کر فرار ہوگئے۔
اُدھر دبئی پولیس نے اپنے ایک بیان میں کہا ہے کہ ڈکیتی کی اطلاع ملتے ہی فوری کارروائی کرتے ہوئے ان چھ ڈاکوؤں میں سے چار کو گرفتار کر لیا گیا ہے جبکہ مفرور دو ڈاکوؤں کو تلاش کیا جا رہا ہے۔
دبئی پولیس کے مطابق ایک ڈاکو کو ملک سے بھاگتے ہوئے دبئی انٹرنیشنل ایئرپورٹ پر گرفتار کیا گیا اور دو ڈاکوؤں کو شارجہ ایئرپورٹ سے گرفتار کیا گیا جبکہ چوتھا ڈاکو الطوار کے علاقے سے پکڑا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News