افغانستان کے دارالحکومت کابل میں محرم کے جلوس کے دوران ہونے والے دھماکے میں آٹھ افراد جاں بحق اور متعدد زخمی ہوگئے۔
بین الاقوامی خبر رساں ادارے کے مطابق اسلامک اسٹیٹ (داعش) کے عسکریت پسند گروپ نے افغانستان کے دارالحکومت کابل میں ہونے والے مہلک دھماکے کی ذمہ داری قبول کی ہے۔
عسکریت پسند گروپ کی جانب سے جاری کردہ بیان میں کہا گیا ہےکہ مغربی کابل میں کیے گئے حملے میں 20 افراد جاں بحق اور متعدد زخمی ہوئے ہیں۔
دوسری جانب افغان پولیس کا کہنا ہے کہ دھماکے میں کم از کم آٹھ افراد جاں بحق اور 18 زخمی ہوئے ہیں۔
کابل پولیس کے ترجمان خالد زادران نے بتایا کہ ’دھماکہ ایک پرہجوم جگہ پر ہوا‘۔
طالبان انتظامیہ نے اس واقعے کی شدید الفاظ میں مذمت کی ہے جبکہ داعش نے اس کی ذمہ داری قبول کی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News