بھارتی ریاست کرناٹک میں لڑکی کو ہراساں کرنے والے ہیڈ ماسٹر کی طالبات نے جم کر پٹائی کردی ہے۔
بھارتی میڈیا کے مطابق بھارتی ریاست کرناٹک کے ایک سرکاری ہائی اسکول کی طالبات نے لڑکی کے ساتھ چھیڑ چھاڑ پر ہیڈ ماسٹر کی لاٹھیوں سے پٹائی کردی ہے۔
رپورٹ کے مطابق یہ واقعہ ریاست کے شہر سری رنگا پٹنم کے ایک گاﺅں میں پیش آیا۔ جہاں کٹاری نامی گاﺅں کے ایک سرکاری ہائی اسکول کے ہیڈماسٹر نے ہوسٹل میں رہائش پذیر ایک طالبہ کے ساتھ چھیڑ چھاڑ کی۔
یہ بھی پڑھیں: بھارت، بہار میں زہریلی شراب پینے سے 31 افراد ہلاک
رپورٹ میں کہا گیا ہے کہ طالبہ نے روتے ہوئے اس بارے میں دوسری طالبات کو آگاہ کیا جس پر تمام طالبات نے سخت برہم ہوکر لاٹھیوں کے ساتھ ہیڈماسٹر کے کمرے پر دھاوا بول دیا جس کے بعد ہیڈ ماسٹر کی جم کر پٹائی کی۔
رپورٹ میں مزید کہا گیا ہے کہ کچھ اساتذہ اور عملے نے لڑکیوں کو منتشر کرنے کی کوشش کی تاہم وہ ناکام رہے۔
اس حوالے سے طالبات کا کہنا ہے کہ ہیڈماسٹر پہلے بھی کئی طالبات کو ہراساں کرچکا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News