روسی وزیر دفاع سرگئی شائگو نے شمالی کوریا میں بیلسٹک میزائلوں کی نمائش میں شرکت کی ہے۔
غیر ملکی خبر رساں ادارے کی رپورٹ کے مطابق روسی وزیر دفاع سرگئی شائگو نے شمالی کوریا میں کم جونگ ان سے ملاقات کی ہے جس کے بعد انہیں ڈیفنس ایکسپو کا دورہ کروایا گیا جہاں بلیسٹک میزائل بھی موجود تھے۔
میڈیا رپورٹس کے مطابق دونوں ممالک نے تعلقات کو مزید فروغ دینے پر بات چیت کی جب کہ وزیر دفاع نے روسی صدر دلادیمیر پوتن کا خط بھی شمالی کوریا کے رہنما کو پہنچایا۔
یہ بھی پڑھیں: عالمی وباء کے بعد روس اور چینی حکام کا شمالی کوریا کا دورہ
اس موقع پر شمالی کوریا کے رہنما کم جونگ ان نے روسی صدر کا شکریہ ادا کرتے ہوئے کہا کہ اس دورے سے دونوں ممالک کے درمیان اسٹریجک اور روایتی تعلقات مزید مضبوط ہوں گے۔
ایک بیان کے مطابق کم جونگ اُن نے روسی وزیر دفاع سے دنیا میں نئے ہتھیاروں کی تیاری کے ٹرینڈ اور اس کی اسٹریٹیجی کے حوالے سے اپنے خیالات سے آگاہ کیا ہے۔
شمالی کوریا کی خبر رساں ایجنسی نے ایک تصویر جاری کی ہے جس میں شمالی کوریا کے رہنما مہمانوں کو ایک بڑے نمائشی ہال کا دورہ کروا رہے ہیں جس میں کچھ بیلسٹک میزائل، ملٹی ایکسل ٹرانسپورٹر لانچروں پر پڑے ہیں۔
واضح رہے کہ روسی اور چینی وفد رواں ہفتے شمالی کوریا پہنچا تھا جہاں کوریائی جنگ کے خاتمے کی 70 ویں سالگرہ کے موقع پر شمالی کوریا میں ’یوم فتح‘ منایا گیا ہے۔
یہ بھی پڑھیں: شمالی کوریا نے سمندر میں متعدد کروز میزائل داغ دیئے
یہ وفود ایسے وقت پیانگ یانگ پہنچے ہیں جب شمالی کوریا کی حکومت روس اور چین سے اپنے تعلقات کو مضبوط کرنے کے لیے کوشاں ہے اور اپنے مخالف واشنگٹن کے حوالے سے مشترکہ اُمور تلاش کر رہی ہے۔
خیال رہے کہ شمالی کوریا پر اقوام متحدہ کی سلامتی کونسل کی قراردادوں کے مطابق بیلسٹک میزائل ٹیکنالوجی استعمال کرنے والے ہتھیاروں کی تیاری پر پابندی عائد ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News