امریکا میں فلسطینی طالب علموں پر حملے پر جوبائیڈن کا بیان سامنے آگیا۔
بین الاقوامی خبررساں ادارے کے مطابق امریکی صدر جو بائیڈن نے ورمونٹ میں تین فلسطینی طلباء پرفائرنگ پر بیان جاری کردیا۔
جو بائیڈن نے کہا کہ میں اور خاتون اول جل بائیڈن تین فلسطینی طالب علموں پر گولی چلانے پر خوفزدہ ہیں۔ فلسطینی طالب علموں کی مکمل صحت یابی کے لیے دعاگو ہیں۔
انہوں نے کہا کہ ہم مزید حقائق کا انتظار کر رہے ہیں۔ ہم یہ جانتے ہیں کہ امریکا میں تشدد یا نفرت کی قطعاً کوئی جگہ نہیں ہے۔ انتظامیہ فائرنگ کی تحقیقات میں مدد کے لیے درکار تمام وسائل فراہم کرے گی۔
واضح رہے کہ گزشتہ روز امریکی ریاست ورمونٹ کے شہر برلنگٹن میں 3 فلسطینی طالب علموں کو فائرنگ کرکے زخمی کردیا گیا تھا۔
مقامی پولیس کا کہنا تھا کہ فائرنگ ایک سفید فام شخص نے کی تھی جبکہ زخمیوں میں سے ایک کی حالت تشویش ناک بتائی گئی تھی۔
پولیس نے بتایا کہ تین میں سے دو طالب علموں نے کیفیہ نامی روایتی فلسطینی اسکارف پہنا ہوا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News