امریکی صدر جوبائیڈن کہتے ہیں کہ حماس اور اسرائیل کے درمیان معاہدے کی امید نہیں ہے۔
غیر ملکی خبر رساں ادارے کے مطابق امریکی صدر جوبائیڈن کی میڈیا سے غیر رسمی گفتگو کی ویڈیو سامنے آئی ہے۔
ایک سوال کے جواب میں امریکی صدر جوبائیڈن نے کہا ہے کہ غزہ میں یرغمالیوں کی رہائی کے لیے اسرائیل اور حماس کے درمیان جلد معاہدے کی امید نہیں ہے۔
اپنی گفتگو میں ان کا کہنا تھا کہ کوشش ہے کہ حماس اور اسرائیل میں جلد معاہدہ ہو۔
یاد رہے کہ 7 اکتوبر سے اب تک غزہ کی پٹی میں اسرائیلی بمباری سے کم از کم 20 ہزار سے زائد فلسطینی شہید ہوچکے ہیں جن میں 8 ہزار سے زائد بچے اور 6 ہزار سے زائد خواتین شامل ہیں۔
دوسری جانب اقوام متحدہ میں غزہ سے متعلق قرارداد پر ووٹنگ مسلسل تیسرے روز بھی موخر کردی گئی ہے۔
یہ بھی پڑھیں: اسرائیلی حملوں سے غزہ میں ایک تہائی ملازمتیں ختم ہو گئیں
گذشتہ دو روز سے ووٹنگ کا عمل موخر کیا جارہا ہے، سلامتی کونسل کی نئی قرارداد پر ووٹنگ آج رات ہوگی۔
واضح رہے کہ چند روز قبل بھی اقوام متحدہ میں غزہ سے متعلق قرارداد پیش کی گئی تھی جس کو امریکہ نے ویٹو کردیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News