وینزویلا میں تباہ کن زلزلوں کے بعد عالمی سطح پر امدادی سرگرمیاں تیزی سے بڑھتی جا رہی ہیں اور مختلف ممالک سے سرچ اینڈ ریسکیو ٹیمیں متاثرہ علاقوں کی جانب روانہ ہو رہی ہیں۔
اطلاعات کے مطابق اسپین کے ریسکیو اہلکار پہلے ہی وینزویلا پہنچ چکے ہیں جبکہ سوئٹزرلینڈ کی ٹیمیں بھی اس سے قبل امدادی کارروائیوں کے لیے پہنچ چکی ہیں۔
یورپی ممالک بشمول اٹلی، چیکیا، فرانس، جرمنی، لکسمبرگ، پرتگال اور نیدرلینڈز بھی سرچ اینڈ ریسکیو ٹیمیں بھیج رہے ہیں یا روانگی کے مراحل میں ہیں۔ اس کی تصدیق یورپی کمیشن کی صدر اُرسولا وان ڈیر لیین نے کی ہے۔
برطانوی دفتر خارجہ کے مطابق برطانیہ کا فارن آفس کی انٹرنیشنل سرچ اینڈ ریسکیو ٹیم بھی کسی بھی وقت تعیناتی کے لیے تیار ہے۔
اقوام متحدہ کے انسانی امور کے سربراہ ٹام فلیچر نے کہا ہے کہ ان کی ٹیمیں مختلف ممالک کی اربن سرچ اینڈ ریسکیو ٹیموں کے ساتھ رابطے میں ہیں تاکہ بڑے پیمانے پر ریسکیو آپریشن کو منظم کیا جا سکے۔
عالمی ادارہ صحت (WHO) کے سربراہ ٹیڈروس اڈہانوم گیبریئسس نے بھی کہا ہے کہ اضافی طبی عملہ اور امدادی سامان بھیجنے کے لیے ٹیمیں اسٹینڈ بائی پر موجود ہیں۔
ماہرین کے مطابق یہ عالمی ردعمل وینزویلا میں پیدا ہونے والے انسانی بحران کی سنگینی کو ظاہر کرتا ہے جہاں ملبے تلے دبے افراد کی تلاش کے لیے وقت کے ساتھ دوڑ جاری ہے۔
