انڈہ کھانا صحت کے لئے بہت اچھا ہوتا ہے کیونکہ اس میں صحت کے لئے مفید تمام غذائیت موجود ہوتی ہے۔

صرف ایک ابلے ہوئے انڈے میں وٹامن اے، وٹامن بی فائیو، بی 12، بی ٹو سمیت دیگر غذائی اجزاء موجود ہوتے ہیں، اس کے علاوہ انڈوں میں وٹامن ڈی، وٹامن ای اور وٹامن کے کی بھی مخصوص مقدار موجود ہوتی ہے۔

 انڈے خریدتے وقت ہمارے ذہن میں بہت سارے سوالات اٹھتے ہیں کہ کہیں یہ بہت پرانے تو نہیں یا خراب تو نہیں ہے۔

انڈے کے اندر سے خراب ہونے یا نہ ہونے کا پتا صرف اس وقت چل سکتا ہے جب آپ اسے توڑتے ہیں۔

لیکن کیا آپ جانتے ہیں کہ ایسے انڈے جن میں خون کے دھبے آجائے انہیں کھانا صحت کے لئے نقصان دہ ہے یا نہیں؟

بیشتر طور پر ایسے انڈے اس وقت آپ کے گھروں میں آجاتے ہوں گے جب آپ اپنی قریبی دوکان سے انڈے خریدتے ہوں گے۔

خون کے دھبے والے انڈے کھانا نقصان دہ نہیں ہوتا  ہے وہ کھانے کے لئے بالکل محفوظ ہوتے ہیں۔

اس حوالے سے ماہرین کا کہنا ہے کہ انڈے کے اندر خون کے دھبے اس وقت موجود ہوتے ہیں جب مرغی کے انڈے دینے کےعمل کے دوران کوئی نس پھٹ جاتی ہے۔

یہ عام طور پر سب سے زیادہ اس وقت ہوتا ہے جب ایک مرغی کے روزانہ انڈے دینا شروع ہو جائے۔

اسکے علاوہ اگر آپ انڈہ چیک کرنا چاہتے ہیں تو اسے کان کےقریب لائیں اور ہلکا سا ہلائیں، اگر اس کے اندر سے چھلکنے کی آواز آئے تو سمجھ جائیں کہ انڈہ خراب ہے لیکن اگر ہلانے کے باوجود انڈے کے اندر سے چھلکنے کی آواز نہیں آ رہی تو وہ کھانے کے قابل ہے۔

دوسرا آسان طریقہ یہ ہے کہ آپ انڈے کو کسی برتن میں ٹھنڈے پانی میں ڈال کر دیکھیں ،اگر انڈہ فوران برتن کے پیندے پر بیٹھ جاتا ہے تو وہ صحیح ہے اور اگر وہ تیرنے لگتا ہے تو خراب ہے۔