یہ بات تو سب جانتے ہیں کہ ہنسنا بہترین دوا ہے لیکن ایک نئی تحقیق میں انکشاف ہوا ہ کہ دوستوں کے ساتھ قہقہے لگانا ہماری صحت پر مثبت اثرات مرتب کر سکتا ہے۔
تازہ ترین تحقیق میں محققین کو علم ہوا ہے کہ اچھے دوست کے ساتھ قہقہے لگانا 65 سال یا اس سے زائد عمر کے افراد میں ذہنی یا جسمانی معذوری خطرات کو 30 فی صد تک کم کر دیتا ہے۔
یہ تحقیق اسی عمر کے ان لوگوں کے ساتھ موازنے میں کی گئی جو اکیلے ہنستے ہیں۔ جیسے کے ٹی وی دیکھتے وقت جب ان کے ساتھ کوئی نہیں ہوتا۔
لیکن تحقیق میں حاصل ہونے والی معلومات کی وجوہات واضح نہیں ہیں۔
محققین کا کہنا ہے کہ دوستوں کے ساتھ ہنسنا آپ کے مدافعتی فنکشن کو بہتر کر سکتا ہے جس کے نتیجے میں معذوری کا خطرہ کم ہو جاتا ہے۔
جاپان کے علاقے آئیچی کی ناگویا یونیورسٹی میں کی جانے والی تحقیق کے رہنماء مصنف یوڈائی ٹاماڈا کا کہنا تھا کہ دوستوں کے ساتھ قہقہے لگانے کے بہت سے فائدے ہیں جن میں دباؤ کا کم ہونا، مدافعت کا بہتر ہونا اور معاشرے جڑے رہنے کا احساس شامل ہے۔
پریوینٹو میڈیسن میں شائع ہونے والی اس تحقیق کا مقصد جاپان میں روز مرّہ زندگی میں قہقہوں اور جسمانی معذوری کے درمیان تعلق کو دیکھنا تھا۔
اب تک روز مرّہ زندگی میں قہقہوں کے صحت پر ممکنہ فواد بمشکل ہی تلاش ہو پائے ہیں۔
تحقیق میں محققین کی ٹیم نے 65 اور اس سے زیادہ کی عمر کے لوگوں کی صحت اور خوشحالی سے جڑے عوامل کا جائزہ لیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News