ڈیرہ اسماعیل خان میں سیکیورٹی فورسز کے مشترکہ آپریشن کے دوران انتہائی مطلوب دہشت گرد ہلاک ہوگیا۔

تفصیلات کے مطابق سیکیورٹی فورسز، سی ٹی ڈی اور ڈیرہ پولیس نے ڈیرہ اسماعیل خان تحصیل تھانہ کلاچی کے علاقے مڈی میں مشترکہ سرچ آپریشن کیا جس میں انتہائی مطلوب دہشتگرد ہلاک ہوگیا۔

سرچ آپریشن کے دوران نامعلوم دہشت گردوں نے پولیس اور سیکیورٹی فورسز پر فائرنگ شروع کردی، تاہم پولیس اور سیکیورٹی فورسز نے دفاعی جوابی فائرنگ کی، دہشت گردوں اور فورسز کے درمیان فائرنگ کا تبادلہ کافی دیر تک جاری رہا۔

فائرنگ تھمنے کے بعد علاقہ سرچ کیا گیا تو 01 دہشت گرد کی نعش برآمد ہوئی جس کی شناخت ٹی ٹی پی گنڈہ پور گروپ کے مقامی کمانڈر اکرام اللہ ولد عبدالرشید قوم منصور خیل گنڈہ پور سکنہ کلاچی کے نام سے ہوئی ہے۔

ہلاک دہشت گرد کی نعش کو پوسٹ مارٹم کے لئے سول اسپتال کلاچی منتقل کردیا گیا ہے، تاہم ہلاک دہشت گرد دہشت گردی، پولیس پر حملوں، اغواء برائے تاوان سمیت متعدد وارداتوں میں مطلوب تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔