سام سنگ کے آئندہ فولڈ ایبل اسمارٹ فونز سے متعلق نئی غیر مصدقہ لیکس سامنے آئی ہیں، جن کے مطابق کمپنی 2027 میں پانچ مختلف فولڈ ایبل فلیگ شپ ڈیوائسز پر کام کر رہی ہے۔ تاہم کمپنی کی جانب سے ان اطلاعات کی تاحال باضابطہ تصدیق نہیں کی گئی۔

لیک ہونے والی ڈیوائسز کے کوڈ نیمز کیو نائن بی، کیو نائن اے، ایچ نائن اور زیڈ نائن سامنے آئے ہیں۔

ذرائع کا کہنا ہے کہ بی نائن ممکنہ طور پر گلیکسی زیڈ فلپ نائن جبکہ ایچ نائن گلیکسی زیڈ فولڈ نائن کا کوڈ نیم ہو سکتا ہے، کیونکہ گزشتہ ماڈلز کے کوڈ نیم بالترتیب بی ایٹ اور ایچ ایٹ تھے۔

لیک میں یہ بھی دعویٰ کیا گیا ہے کہ کیو نائن اے اور کیو نائن بی ممکنہ طور پر گلیکسی زیڈ فولڈ نائن الٹرا اور ٹرائی فولڈ ٹو کے مختلف ورژنز ہو سکتے ہیں، تاہم اس حوالے سے کوئی باضابطہ تصدیق موجود نہیں۔

سب سے زیادہ توجہ زیڈ نائن کوڈ نیم والی ڈیوائس نے حاصل کی ہے، جس کے بارے میں قیاس آرائیاں کی جا رہی ہیں کہ یہ روایتی اسمارٹ فون کے بجائے ایک ٹیبلیٹ نما ڈیوائس ہو سکتی ہے۔