انسان میں عمر کے گزرنے کے ساتھ ساتھ جسمانی اعضاء ، ہڈیوں اور جوڑوں میں درد ہونا شروع ہوجاتا ہے۔

یہ درد کوئی بیماری نہیں ہے بلکہ یہ انسانی جسم میں وٹامن کی تعداد کم ہونے کے باعث  ہوتا ہے جس کا سیدھا اور سب سے زیادہ اثر ہڈیوں اور جوڑوں پر پڑتا ہے۔

اس درد کے علاج کے لئے کچھ لوگ حکیم سے اپنا علاج کرواتے ہیں جبکہ کچھ افراد ماہر ڈاکٹروں کے پاس جاتے ہیں۔

کوئی اس درد سے چھٹکارہ حاصل کرنے کے لئے پھکیوں کا استعمال کرتا ہے تو کوئی درد سے نجات کے لئے دوائیاں اور انجیکشن لیتا ہے۔

لیکن یہ تمام چیزیں ایک حد تک اثر کرتی ہین اور اس کے بعد ان کا کوئی اثر نہیں رہتا ہے۔

بات کی جائے حکیموں کی دوائی کی تو وہ جو پھکیاں دیتے ہیں ان سے پیٹ ضرور درست ہوجاتا ہے لیکن ہڈیوں کا درد ختم نہیں ہوتا ہے  جبکہ ماہر ڈاکٹروں کی دوائی بھی ایک وقت تک اثر کرتی ہے اس کے بعد جسم پھولنا شروع ہوجاتا ہے۔

اگر بات کی جائے درد کے لئے لگنے والے انجکشنز کی تو یہ انسان کو اپنا عادی بنادیتے ہیں جس سے ہدیاں ان انجیکشنز کی عادی ہوجاتی ہیں۔

لیکن آج ہم آپ کو ایسا ٹوٹکا بتائیں گے جس سے آپ کو فائدہ بھی ہوگا اور یہ کھانے میں بھی ذائقے دار ہوگا۔

اس کے لئے آپ کو ضرورت ہوگی ایک عدد سوکھی انجیر، ایک عدد سوکھی خوبانی، پانچ عدد سوکھے آلو بخارے۔

ان سب چیزوں کو کسی بھی قسم کا کوئی سفوف نہیں بنے گا بلکہ رات کو سونے سے پہلے آپ کو ان تینوں چیزوں کو اچھی طرح چبا کر کھانا ہے ۔

ان تینوں چیزوں کو کھانے کی عادت بنالیں اور تقریباً 2 ماہ کے اندر آپ کے جسم کی ہڈیاں مضبوظ ہوجائینگی اور قوت مدافعت میں بھی اضافہ ہوگا۔