ایک نئی تحقیق میں بتایا گیا ہے کہ نوکری کی جگہ اپنی پُرتعیش برانڈز کی اشیاء کا استعمال آپ کے لیے نقصان دہ ثابت ہو سکتا ہے۔

یونیورسٹی آف مِشیگن کے محققین کو تحقیق میں معلوم ہوا کہ وہ لوگ جو پُرتعیش برانڈز اور دیگر طریقوں سے اپنے مرتبے کے حوالے اشارے دیتے ہیں ان کو تعاون نہ کرنے والے کے طور پر دیکھا جاتا ہے۔

تحقیق کی سربراہ مصنفہ ڈاکٹر شیلِینا سما کا کہنا تھا کہ اپنے مرتبے کے حوالے سے اشارے دینا ان لوگوں کے لیے عموماً سود مند سمجھا جاتا تھا جو اعلیٰ طبقے کے دِکھنا چاہتے تھے۔ کیوں کوئی اُن پُر تعیش اشیاء کی مہنگی قیمت ادا کرے گا اگر اس کا کوئی فائدہ ہی نہیں ہوگا۔

انہوں نے مزید کہا کہ لیکن ایسا کرنا اس صورت پلٹ کر بھی آسکتا ہے کہ ایسے لوگوں کو خود غرض سمجھا جائے۔

گزشتہ مطالعوں میں یہ بتایا گیا تھا کہ وہ لوگ جو مالدار ظاہر ہوتے ہیں، وہ زیادہ ذہین، نظم و ضبط کے پابند اور اہل دِکھتے ہیں۔

تاہم، نئی تحقیق میں ٹیم نے یہ سمجھنے کی کوشش کی کہ آیا اپنی دولت کی نمائش آپ کی تعاون کے چاہت کے حوالے سے لوگوں کے نظریے کو متاثر کرتی ہے یا نہیں۔

تحقیق میں ٹیم نے 2800 سے زائد شرکاء پر چھ سے زیادہ تجربے کیے۔

ایک تجربے میں 395 شرکاء کو متعدد سوشل میڈیا پروفائلز کا جائزہ لینے کا کہا گیا جس میں انہیں یہ دیکھنا تھا کہ کون  اپنی برادری کے لیے تعاون کرنے والا ہے، بے غرض اور مخیر ہے۔