چین میں ایک خاتوں نے اپنے دفتر سے کروڑوں روپے چوری کرلیے جس کی وجی جان کر شاید آپ بھی حیران رہ جائیں گے۔

غیر ملکی میڈیا رپورٹس کے مطابق چین میں ایک کمپنی میں کام کرنے والی خاتون اکاؤنٹنٹ نے اپنے بوائے فرینڈ سے تعلق مضبوط کرنے اور دونوں کے رشتے میں آنے والی مشکلات کو ختم کرنے کے لیے کالا جادو کروانے کا فیصلہ کیا۔

کالا جادو کروانے کے لیے اس نے اپنی کمپنی کے اکاؤنٹ سے مجموعی طور پر 6 لاکھ 77 ہزار ڈالرز کی رقم چوری کی۔

خاتون نے سب سے پہلے مارچ 2018 میں کمپنی کے اکاؤنٹ سے رقم غلط طریقے سے اپنے اکاؤنٹ میں منتقل کرنا شروع کی۔

اس وقت اسے اپنے بوائے فرینڈ کو کھونے کا ڈر تھا جس کی وجہ سے وہ کالا جادو کروا کر اس رشتے کو بچانا چاہتی تھی۔

تاہم گزشتہ سال اگست میں کمپنی کے اکاؤنٹ میں غیر معمولی طور پر رقم کم ہوئی تو خاتون کا راز فاش ہوگیا۔

کمپنی کی انتظامیہ کو پتہ چلا کہ خاتون کمپنی کے فنڈز کا غلط استعمال کر رہی ہے جس کے بعد پولیس کو اطلاع کی گئی اور خاتون کو شمال مشرقی چین کے لیاؤننگ صوبے سے گرفتار کیا گیا۔

اس معاملے کی تحقیقات کے دوران افسران نے کئی ڈیزائنر بیگز اور کپڑے ضبط کیے جو خاتون نے چوری کی رقم سے خریدے تھے۔

گرفتاری کے بعد خاتون نے اپنے بیان میں کہا کہ اس نے جو کچھ کیا اسے اس پر کوئی پچھتاوا نہیں، اس کالے جادو کی وجہ سے میرا رشتہ نہیں ٹوٹا اور بوائے چھوڑ کر نہیں گیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں