دو سر اور ایک جسم والی جڑواں بہنوں میں سے ایک، ایبی ہینسل، نے شادی کرلی ہے جس کی تصاویر سوشل میڈیا پر کافی وائرل ہورہی ہیں۔
میڈیا رپورٹس کے مطابق 6 سال کی عمر میں دنیا کے سامنے آنے والی یہ جڑواں بہنیں، جن کے 2 سر اور ایک ڈھر ہے، نے دنیا کی توجہ حاصل کرلی تھی لیکن ان کے والدین نے ایبی اور برٹنی کی پرورش عام انسانوں کی طرح ہی کی ہے۔
سال 2021 میں ’ایبی اینڈ برٹنی شو‘ کے ذریعے ان بہوں نے اپنی روزمرہ کی زندگی اور کام کرنے کے انداز کو دنیا تک پہنچایا جس کی وجہ سے ان کی مقبولیت میں مزید اضافہ ہوا۔
حال ہی میں وائرل ہونے والی تصاویر سے معلوم ہوا ہے کہ ان جڑواں بہنوں میں سے ایک ، ایبی ہینسل، نے 3 سال قبل امریکہ کے سینئر فوجی افسر سے شادی کرلی ہے۔
ہینسلز کی فیس بک پروفائل تصویر پر شادی کی تصویر لگی ہوئی ہے، جس میں جڑواں بہنوں کو شادی کا جوڑا پہنا ہوئے دیکھا جاسکتا ہے، جب کہ بولنگ، گرے سوٹ میں ان کے سامنے کھڑے ہیں۔
یہ جڑواں بہنیں اب پانچویں جماعت کی اساتذہ ہیں اور مینیسوٹا میں رہتی ہیں، جہاں ان کی پیدائش اور پرورش ہوئی۔
یہ لڑکیاں عام انسانوں کی طرح زندگی گزارتی ہیں فرق صرف یہ ہے کہ ان کا دھڑ ایک ہے، جس کا دایاں حصہ ایبی کنٹرول کرتی ہے اور بایاں حصہ برٹنی کنٹرول کرتی ہے، ان کے اندرونی اعضا میں دو دل، 4 پھیپھڑے، 2 پِتے، 2 معدے، 3 گردے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News