لاٹری وینڈنگ مشین پر انجانے میں غلط بٹن دبانے سے امریکی خاتون نے 10 لاکھ ڈالرز کا انعام جیت لیا۔

غیر ملکی میڈیا کے مطابق ریاست ورجینیا سے تعلق رکھنے والی میریم لانگ نے ورجینیا لاٹری کے حکام کو اپنے انٹرویو میں بتایا کہ انہوں نے بلیکزبرگ کی ساؤتھ مین اسٹریٹ میں لاٹری وینڈنگ مشین کا دورہ کیا جہاں وہ میگا ملینز کا ٹکٹ خریدنا چاہتی تھیں۔

انہوں نے کہا کہ ان کی نظر وہاں رکھی لاٹری وینڈنگ مشین پر پڑی۔ وہ اس کے پاس گئیں اور جو بٹن دبانا تھا اس کے بجائے ان کا ہاتھ دوسرے بٹن پر پڑگیا جس کے ساتھ ہی انہیں مشین سے 18 مارچ کا پاور بال ڈرائنگ ٹکٹ موصول ہوا۔

ان کا کہنا تھا کہ انہوں نے فوری طور پر ڈرائنگ ٹکٹ میں پہلے پانچ نمبروں کو لاٹری کے نمبروں سے ملایا جس کے بعد ان کی حیرت کی انتہا نہیں رہی کہ وہ نمبر 10 لاکھ ڈالرز انعام کے نمبر تھے۔

خاتون نے کہا کہ یہ میری زندگی کی بہترین غلطی تھی، مجھے کچھ سمجھ نہیں دے آرہا تھا جب مجھے احساس ہوا کہ میں نے 10 لاکھ جیت لیے ہیں۔ میرا دل تیز دھڑک رہا تھا اور یہ واقعی زندگی کا سب سے خوشگوار حادثہ تھا۔