معروف جاپانی کمپنی کی جانب سے ایک ہائی ٹیک گیجٹ متعارف کرایا گیا ہے جو ایک باڈی ایئر کنڈیشنر ہے اور ممکنہ طور پر انسانی جسم پر موسم کے اثرات کو کم کریگا۔

کمپنی کی جانب سے “اسمارٹ وئیر ایبل تھرمو ڈیوائس کٹ” جسے Reon Pocket 5 کا نام دیا گیا ہے 23 اپریل کو متعارف کرایا گیا تھا۔

یہ ڈیوائس کسی بھی شخص کے پہننے کے قابل ہے جو کہ انسانی جسم پر ہونے والے موسمیاتی اثرات کو کنٹرول کرنے کا سسٹم ہے۔

Reon Pocket 5 گرم دنوں کے لیے پانچ کولنگ لیولز اور ٹھنڈے ماحول کے لیے چار وارمنگ لیولز پیش کرتا ہے، جو اسے مختلف حالات کے لیے موافق بناتا ہے۔

Reon Pocket 5 کو نئی Reon Pocket App کے ذریعے کنٹرول کیا جا سکتا ہے، جو آئی او ایس اور اینڈروئیڈ دونوں ڈیوائسز کے لیے دستیاب ہے۔

یہ ایپ بلوتوتھ کے ذریعے پانچ کولنگ اور چار وارمنگ لیولز کو ایڈجسٹ کرنے کی اجازت دیتی ہے، جو اسے چلتے پھرتے ایڈجسٹمنٹ کے لیے بہترین بناتی ہے۔

ٹیک ریڈار کے مطابق، Reon Pocket 5 ایک ہی چارج پر 17 گھنٹے کی بیٹری لائف کا حامل ہے جس کی قیمت 139 پاؤنڈ ہے۔

خیال رہے کہ Reon Pocket سیریز کا آغاز جاپان میں 2019 میں ہواتھا، جس کے بعد کے ورژن نے ہانگ کانگ جیسی ایشیائی مارکیٹوں میں کامیابی حاصل کی تھی اور اب Reon Pocket 5، ایک عالمی توسیع کی نشاندہی کرتا ہے۔

Reon Pocket 5 پچھلے ماڈلز کے مقابلے میں 1.5 گنا زیادہ گرمی جذب اور 1.8 گنا زیادہ بیٹری لائف پیش کرتا ہے۔ اس کا اسمارٹ موڈ پہننے والے کے ماحول کے لحاظ سے خود بخود کولنگ اور ہیٹنگ کے درمیان ایڈجسٹ ہو جاتا ہے اور دن بھر بہترین آرام کو یقینی بناتا ہے۔