کوئٹہ: آر سی ڈی شاہراہ قلات کے قریب خوفناک ٹریفک حادثہ پیش آیاہے جس میں کمشنر مکران ڈویژن کیپٹن  (ر) طارق زہری سمیت چار افراد جاں بحق ہوگئے۔

 لیویزذرائع کے مطابق حادثہ کراچی جاتے ہوئے قلات کے قریب اس وقت پیش آیا جب کمشنرمکران ڈویژن کی گاڑی کاتیل بردارگاڑی سےتصادم ہوا۔حادثے میں ایک شخص شدید زخمی ہے۔

حادثے کے بعددونوں گاڑیوں میں آگ لگ گئی جس کے نتیجے میں جھلسنے والے افرادشناخت کے قابل نہیں۔

لیویز ذرائع کاکہناہے کہ حادثے کی اطلاع پرامدادی ٹیمیں جائے حادثہ پر پہنچیں اور زخمیوں اور میتوں کو ڈسٹرکٹ ہیڈ کوارٹر قلات منتقل کردیاگیا۔

کیپٹن (ر)طارق زہری کو آبائی علاقے قلات میں سپرد خاک کردیا گیا۔ ان کے پسماندگان میں بیوہ، دو ببیٹے اور دو بیٹیاں شامل ہیں۔

ڈپٹی کمشنر اسلام آباد محمد حمزہ شفقت نے قلات میں المناک حادثے پرسماجی رابطے کی ویب سایٹ ٹویٹرپرافسوس کااظہار کرتے ہوئے کہاہے کہ طارق زہری ایک ذہین پولیس افسر اور ایک انتہائی نفیس انسان تھے۔

انہوں نے کہاکہ وہ میرے ساتھی طالب علم کے بڑے بھائی بھی تھے۔ احسن اقبال کی جانب سے مرحوم کے ایصال ثواب کیلئے فاتحہ کہ درخواست بھی کی گئی ہے۔

Commissioner Makran Capt(r) Tariq Zehri met an accident at Kalat and expired along with his driver. A brilliant officer and an amazing human being. He was elder brother of my batchmate. Plz recite Fateha for the departed soul. Indeed, to God we belong and to God we shall return pic.twitter.com/e4bLgNDW9a

— Muhammed Hamza Shafqaat (@hamzashafqaat) October 18, 2019

مسلم لیگ (ن) کےرہنما احسن اقبال کی جانب سے بھی مرحوم کی مغفرت کیلئے دعا کی گئی ہے۔

May Allah Bless his soul Ameen! https://t.co/cVtR01ACIc

— Ahsan Iqbal (@betterpakistan) October 18, 2019

صوبائی وزیر داخلہ میر ضیااللہ لانگو کی جانب سے بھی واقعے پر گہرے رنج و غم کااظہار کرتےہوئے کہا گیا ہےکہ کمشنر مکران ڈویژن کی شہادت سے صوبے کا بڑا نقصان ہو ا ہے۔ صوبائی وزیر داخلہ نےمرحوم کے اہل خانہ سے دلی ہمدردی کا اظہاربھی کیاہے۔