سندھ بھر میں  تعلیمی ادارے دو ماہ گرمیوں کی چھٹیوں کے بعد دوبارہ کھل گئے ہیں۔

تفصیلات کے مطابق سندھ میں وفاقی اور سرکاری سمیت تعلیمی ادارے گرمیوں کی دو ماہ کی تعطیلات کے بعد دوبارہ کھل گئے اور تعلیمی سرگرمیاں بحال ہوگئیں۔

کراچی سمیت سندھ اور سکھر کے سرکاری اور نجی اسکولوں میں تدریسی عمل چھٹیوں کے بعد دوبارہ شروع ہوگیا۔

کراچی کے تمام نجی اور سرکاری اسکولز کھل گئے، نجی اور سرکاری تعلیمی اداروں میں تدریس کا عمل شروع ہو گیا۔

گرمیوں کی چھٹیوں کے بعد تعلیمی ادارے کھلنے پر پہلے دن حاضری معمول سے کم رہی ہے۔

دوسری جانب سکھر میں بھی گرمیوں کی دو ماہ کی تعطیلات کے بعد تمام سرکاری اور غیر سرکاری اسکول کھل گئے۔

جون جولائی کی چھٹیوں کے بعد آج بچوں نے اپنی دوبارہ کلاسز لینا شروع کردی جبکہ اسکول انتظامیہ نے بھی تعطیلات کے بعد اسکول میں باقاعدگی سے تعلیمی سرگرمیاں شروع کروا دیں۔

موسم گرما کی تعطیلات کے بعد والدین اپنے بچوں کو موٹرسائیکل، رکشوں اور وین کے ذریعے اسکول لیکر پہنچ گئے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں