گلوکار عاصم اظہر اور اداکار آغا علی نے طلبہ کے لئے آواز بلند کرتے ہوئے امتحانات منسوخ کرنے کی درخواست کی ہے۔
تفصیلات کے مطابق عاصم اظہر نے ٹوئٹر پر اپنا پیغام جاری کرتے ہوئے لکھا کہ تمام طالبعلم ایک ہی درجہ رکھتے ہیں، پھر چاہے وہ کیمبرج کے طلبہ ہوں یا دیگر کسی بورڈ کے، سب کے ساتھ انصاف ہوگا، انشاءاللّہ۔
[amazonad category=”Electronics”]
گلوکار نے ایک اور ٹوئٹ میں وزیراعظم عمران خان سے مخاطب ہوتے ہوئے ہیش ٹیگ کا استعمال کیا اور کہا کہ سر طلبہ کی سُن لیں۔
دوسری جانب اداکار اور میزبان آغا علی نے بھی اپنے انسٹاگرام اکاؤنٹ پر اسٹوری شیئر کی جس میں ایک خاتون پلے کارڈ اٹھائے کھڑی ہیں ،اداکار نے اس تصویر پر لکھا ہے کہ کوئی اِن کی بھی سن لے۔
آغا علی نے سوالیہ انداز میں پوچھا کہ پوری دنیا نے طلبہ کی سن لی ہے، ہم کیوں نہیں سن رہے؟
اداکار نے یہی پیغام ٹوئٹر پر بھی شیئر کیا جسے مداحوں کی بڑی تعداد نے لائیک کیا اور ساتھ ہی گلوکار عاصم اظہر اور آغا علی کا ان کے حق میں آواز بلند کرنے پر شکریہ ادا کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News