آلو بخارا، غذائیت اور بےشمار فوائد سے بھرپور

ویب ڈیسکویب ایڈیٹر

29th May, 2021. 09:45 am

آلو بخارا اپنے کھٹے میٹھے ذائقے کے باعث کھانے میں بہت پسند کیا جاتا ہے۔

ذائقے اور لذت کے ساتھ ساتھ آلو بخارا حیرت انگیز فوائد سے بھی مالا مال ہے ،خشک آلو بخارا وٹامن کے ، آئرن ، فائبر، پوٹاشیم اور بیٹاکیروٹین سے بھرپور ہوتا ہے۔

 اس پھل میں چکنائی، پروٹین ، وٹامن اے، بی، سی، کے اور ای پائے جاتے ہیں، صرف یہی نہیں کیلشیم ،آئرن ،پوٹاشیم ،سوڈیم اور میگنیشم بھی وافر مقدار میں پائے جاتے ہیں۔

براؤن اور بلیک رنگ کے بیضوی شکل کا یہ پھل اینٹی آکسیڈنٹ کا حامل ہے یہ کینسر کے امکان کو بھی ختم کرتا ہے، یہ جسمانی اور دماغی صحت کیلئے بھی بہتر ہے۔

آلو بخارا اور اسکے استعمال کے فائدے:

1 ۔ یہ کولیسٹرول کی شرح کو کم کرتا ہے اور جگر کی صحت کیلئے بھی مفید ہے۔

2 ۔ آلو بخارے میں پوٹاشیم کی کثیر مقدار پائی جاتی ہے، اس لئے بی پی کو کنٹرول کرتا ہے۔

3 ۔ رگوں اور ہڈیوں کے امراض میں مفید مانا گیا ہے۔

4 ۔ بدہضی اور قبض کی شکایت میں آلو بخارا استعمال کیا جائے تو اس کے حیرت انگیز نتائج برآمد ہوتے ہیں۔

5 ۔ آلو بخارے کا شربت گرمی دانوں سے نجات اور گرم موسم میں فرحت اور تازگی فراہم کرتا ہے۔

6 ۔ طبی ماہرین کے مطابق آلو بخارے کے استعمال سے خون کی کمی دور ہوجاتی ہے اور یہ چھاتی کے کینسر سے بچاؤ میں معاون ہے۔

7 ۔ شوگر کے مریض بھی اسے ہچکچاہٹ کے بغیر کھا سکتے ہیں۔

8 ۔ آلو بخارے کا استعمال بینائی کیلئے بھی مفید ہے۔

9 ۔ آلوبخارا بالوں کی نشوونمااور جلد کی خوبصورتی کے لیے بھی مفید ہے، یہ آئرن کی کمی کو دور کرکے بالوں کوگرنے اور قبل از وقت سفید ہونے سے روکتا ہے۔

Adsense 300×250