ہانگ کانگ میں کووڈ ٹیسٹ مثبت آنے پر ہیمسٹر سمیت دیگر چھوٹے 2000 جانور مارنے کا فیصلہ کر لیا گیا۔

منگل کو ہانگ کانگ حکام کا کہنا تھا کہ وہ پالتو جانوروں کی دکان پر کورونا کے متعدد مثبت ٹیسٹ آنے پر ہیمسٹر سمیت 2000 چھوٹے جانوروں کو تلف کریں گے۔

دکان کے ملازم کا بھی کورونا وائرس سے متاثر تھے۔

محکمہ زراعت، ماہی گیری و تحفظ کے حکام کے مطابق شہر مین ہیمسٹر کی فروخت اور چھوٹے مملیاؤں کی درآمد بھی روک دی جائے گی۔

دکان کے ملازم کی ٹیسٹ رپورٹ میں ڈیلٹا ویریئنٹ مثبت آیا ہے اور متعدد ہیمسٹر جو نیدرلینڈز سے درآمد کیے گئے تھے، کے ٹیسٹ بھی مثبت آئے ہیں۔

امریکی سینٹرز فار ڈِیزیز کنٹرول اینڈ پریونشن کے مطابق جانور کورونا وائرس کو پھیلانے میں اہم کردار ادا کرتے نہیں دِکھتے۔

لیکن ہانگ کانگ کی انتظامیہ کا کہنا تھا کہ وہ انسانوں اور جانوروں کے درمیان وائرس کے منتقل ہونے کو خارج از امکان نہیں سمجھتے

سینٹر فار ہیلتھ پروٹیکشن کے کنٹرولر ایڈوِن سوئی کا کہنا تھا کہ ہم اس امکان کو خارج نہیں کر سکتے ہیں دکان دار کو ہیمسٹر سے وائرس لگا۔

اونٹاریو ویٹرینری کالج کے ڈاکٹر اسکاٹ وِیز کے مطابق کورونا وائرس ممکنہ طور پر جانور سے انسان میں آیا ہے، یہ وباء عالمی وباء اس لیے بنی کیوں کہ یہ وائرس لوگوں کے درمیان آسانی سے پھیلتا ہے۔

انہوں نے مزید کہا کہ اب تک کے علم کے مطابق منکس وہ جانور ہیں جو انسانوں سے یہ وائرس پکڑتے ہیں واپس پھیلا دیتے ہیں۔

ماہرین نے لوگوں کو ان کے پالتو جانوروں کو چومنے سے بھی سختی  سے منع کیا ہے۔